Qytai álemde birinshi bolyp vaktsina tólqujattaryn berý baǵdarlamasyn iske qosty. Al Parij ben onyń ainalasyndaǵy qalalar koronavirýstyń jańa shtamdarynyń taralýyna tótep bere almaýda. Alaida bilik jergilikti lokdaýn engizýge asyǵar emes, dep habarlaidy BBC.
Djons Hopkins ýniversitetiniń málimeti boiynsha, pandemiia kezeńinde álemde 117,2 million adam aýyryp, 2,6 million adam qaitys boldy.
AQSh-taǵy karantinniń alǵash ret jeńildetildi
Eń aýyr epidemiologiialyq jaǵdai áli de saqtalyp otyrǵan AQSh-ta vaktsinanyń eki dozasyn alǵan adamdarǵa úi ishinde shaǵyn toptarmen kezdesýge ruqsat etildi. Qoǵamdyq oryndarda maska kiiý mindetti bolyp qala beredi.
Bul – Djo Baiden ákimshiligi maquldaǵan alǵashqy jeńildik. Buǵan deiin birqatar memleket shekteýlerdiń kóp bóligin alyp tastaǵan, biraq sheshimder jergilikti deńgeide qabyldanǵan.
Parij aýrýhanalarynda bos oryn joq
Frantsiianyń Densaýlyq saqtaý departamentiniń basshysy Jerom Salomon Parij ben onyń ainalasyndaǵy aýrýhanalar virýstyń jańa shtamdarynyń taralýyna bailanysty múmkindiginshe qarqyndy jumys jasap jatqandaryn málimdedi. Degenmen bilik óńirlik lokdaýn engizbeidi.
Parijde jáne mańyndaǵy astanalyq óńirde Frantsiia halqynyń altydan bir bóligi turady. Densaýlyq saqtaý ministrligi aýrýhanalarǵa aýyr haldegi kovid patsientterine arnalǵan oryndar bosatý úshin jáne kóbirek qyzmetkerlerdi tartý úshin josparly emdeý kýrstary men protsedýralaryn 40%-ǵa qysqartýdy buiyrdy.
Shvetsiiada dúkender taýary satýshysyz satady
Shvetsiianyń aýyldyq jerlerinde azyq-túlik dúkenderi qaita jandandy, olardyń kópshiligi pandemiiaǵa bailanysty jabylýǵa májbúr bolǵan edi. Alaida olar endi múldem jańa printsip boiynsha jumys isteidi. Olardyń satýshylary joq jáne jalpy qyzmet kórsetetin mamandary joq, al keibir saýda núkteleri qurylys vagonyndai ǵana. Tiisinshe, assortiment tek qajetti taýarlardan turady. Dúkenge táýligine 24 saǵat boiy, kez kelgen ýaqytta dúken iesiniń arnaiy qosymshasy arqyly kirýge bolady. Ári qarai, satyp alýshy alǵan zattarynyń kodyn skanerleidi, al aqsha nesie kartasynan alynady, ony aldymen tirkeý kerek.
Qytai vaktsina tólqujattaryn engizdi
Qytai vaktsina tólqujaty dep atalatyn baǵdarlamany iske qosqan álemdegi alǵashqy el boldy. Bul – vaktsina alǵan Qytaidyń árbir turǵyny arnaiy tsifrlyq platformadan júktep, shetelge shyǵýǵa usynatyn qujat. Mundai tólqujatty engizý týraly áńgime álemniń kóptegen elderinde burynnan beri aitylyp keledi.
Bastamany jaqtaýshylar bul halyqaralyq shekaralardy tezirek ashýǵa jáne álemdik ekonomikany qalpyna keltirýge kómektesetinine senimdi.
