Elimizge syrttan taýar ákelýge nemese kerisinshe elden taýar shyǵarýǵa qazirgi geosaiasi jaǵdai áser etti me? Bul saýalǵa QR Indýstriia jáne infraqurylymdyq damý ministri Qaiyrbek Óskenbaev jaýap berdi, dep habarlaidy QazAqparat.
Ortalyq kommýnikatsiialar qyzmeti alańynda ótken baspasóz máslihatynda tilshi «Kórshi elderde bolyp jatqan ahýalǵa bailanysty Qazaqstanǵa taýar ákelýde nemese eksporttaýda qiyndyq, kedergiler bolyp jatqan joq pa?» degen saýal joldady.
«Elimizge taýar jetkizý nemese taýar jóneltý boiynsha eshqandai problema joq. Resei Federatsiiasy taýarlardy ótkizip jatyr. Sheteldik porttar da qazaqstandyq taýarlardy problemasyz qabyldap jatyr. Olardyń basty talaby - taýar jáne ony jetkizýshi kompaniia qazaqstandyq bolýy shart. Sonymen qatar transkaspii halyqaralyq kólik marshrýtynyń (TMTM) aiasyn keńeitýdi qarastyryp jatyrmyz. Kaspiidegi bizdiń Aqtaý jáne Quryq portynan 10 mln AQSh dollarynyń taýary tasymaldanady», - dep jaýap berdi Qaiyrbek Óskenbaev.
Ministrdiń aitýynsha, taýar tasymaldaýda eshqandai shekteý, kedergi joq.
