Foto: Royal Caribbean resmi saity
Álemdegi eń úlken krýiz laineri Icon of the Seas ("Teńiz ikonasy") keler jyldyń qańtarynda teńizge shyǵady, - dep habarlaidy Tengritravel.kz.
Forbes basylymy alyp jolaýshylar laineri Royal Caribbean International kompaniiasyna tiesili ekenin habarlady. Onyń uzyndyǵy 365 metr, salmaǵy - 250 myń tonna, al bortyna 5610 jolaýshy jáne 2350 qyzmet kórsetýshi personal syiady. Onyń úlkendigi sonshalyq - áigili "Titanikten" bes ese aýyr.
"Teńiz ikonasyna" deiin álemdegi eń úlken krýiz laineri sol Royal Caribbean kompaniiasyna tiesili Wonder of the Seas kemesi bolatyn. Eger olardy salystyratyn bolsaq, "Ikona" 15 tonnaǵa aýyr jáne 3 metrge uzyn. Jańa keme ekologiialyq taza tabiǵi suiyq gazben júretin bolady. Kemeni 2021 jyly qurastyra bastaǵan, al 26 qazanda sýǵa túsiriledi dep josparlanǵan.
Rekordsmen-lainerdiń jolaýshylarynyń ishi pyspasy anyq: olarǵa 40-tan asa kóńil kóterý qyzmeti usynylady. Alyp kemeniń basty "fishkasy" - alty syrǵanaǵy bar úlken teńiz akvaparkiniń bolýy, 7 bassein onyń barlyǵy teńiz sýymen, sondai-aq 9 djakýzi bar. Sonymen qatar, kemede bes qabatty aspan astyndaǵy "Ortalyq saiabaq" bar, 16 metrlik sarqyrama, "muzdy aral" jáne "ekstrimaldarǵa arnalǵan aral" bolady. Jolaýshylar 22 lift arqyly qatynaidy, kinoteatr, oiyn-saýyq jáne saýda ortalyǵy, kazino, fitnes-ortalyq, mini-golf aimaǵy jáne skalodrom týristerdi kútedi.
Joly bolǵandar kemeniń 20 palýbasynda jáne ár jasqa bólingen 8 demalys aimaǵynda serýendei alady. Jalpy lainerde baǵa saiasatynyń 28 túri bolady. Eń arzany - 1,5 myń dollardan bastalatyn (shamamen 665 myń teńge) nusqalardy saýda ashylǵannan úsh kún ishinde satylyp ketken, endi tek baqýattylarǵa arnalǵan oryndar qalǵan, onyń baǵasy 10 800 dollar (shamamen 4,8 million teńge)
Lainermen Maiamiden shyǵyp, Karib teńiziniń shyǵys jáne batys bólikterimen júzýge bolady. 7 kúndik týr kezinde aralǵa barý qarastyrylǵan.
