Kúni keshe, elimizge prezidentimiz Qasym-Jomart Toqaevtyń shaqyrtýymen Ońtústik Koreia basshysy Iýn Sok Iol óziniń jubaiy Kim Kon Himen issaparǵa kelgen edi. Qazaqstan jurtshylyǵynyń nazary prezidenttiń ózinen bólek, Korei hanymyna tústi. "Korei doramalarynyń keiipkerindei sulý" dep tańdai qaqqan jurt Kim Kon Hidiń óte jas kórinetinine jáne jarasymdy kiinetinine nazar aýdardy. Kim Kon Hi hanymnyń saltanatty sharaǵa kiip kelgen sur tústi jaketi men beldemshesi, biik óksheli, qara tústi týfli "ózine quiyp qoiǵandai" desti.
Jalpy memlekettiń birinshi hanymy bolýdyń resmi túrde laýazymy bolmasa da, qoǵam ishinde olardyń júris-turysy mańyzǵa ie. Tipti kei jaǵdaida mańyzdy sheshimder de birinshi hanymnyń tartymdylyǵyna bailanysty sheshiletin jaǵdailar bolady. Mysaly 2012 jyly amerikalyq Gellap institýty Barak Obamanyń prezidenttik sailaýynda Mishel Obamany sailaýshylardyń 66%, al onyń kúieýi Barak myrzany 52% qoldaǵanyn anyqtady.
"Birinshi hanym" ataýy qaidan shyqty?
"Birinshi hanym" túsinigi eń alǵash AQSh-ta paida bolǵan. 1789 jyly Djordj Vashington AQSh-tyń birinshi prezidenti bolyp sailanǵan kezde onyń áieli Marta Aq úidiń "alǵashqy qojaiyny" boldy deýge bolady. Ol kezde "birinshi hanym" degen uǵym bolǵan joq, sondyqtan ony jurt "ledi Vashington" dep atady. "Ledi Vashington" aq úide túrli kezdesýler men jiyn-sharalar ótkizip, belsendi boldy. Onyń qatysýymen beiresmi sharalarda túrli mańyzdy saiasi kelisimder jasalyp, sheshimder qabyldanyp jatty.
Al "birinshi hanym" sózin eń alǵash dál osy AQSh-ta 1849 jyly 12-shi prezident Zakari Teilor qoldanǵan. Ol 4-shi prezident Djeims Medisonnyń áieli Dolli Medisondy memlekettik jerleý rásimindegi maqtaý sózinde osylai ataǵan bolatyn. Sodan keiin "birinshi hanym" ataýy keń tarap, tek AQSh-ta ǵana emes, búkil álem jurtshylyǵy túrli elderdiń prezidentteri áielderine nazar aýdaryp, osylai atai bastady.
Endi dál qazirgi ýaqytta qai eldiń birinshi hanymy symbaty men aqylymen jurtshylyqty tamsandyra alyp otyr? Osyǵan toqtalaiyq.
Kim Kon Hi
Aityp ótkenimizdei, Ońtústik Koreia Respýblikasynyń birinshi hanymy Kim Kon Hi óziniń 52 jasynda óte jas, ári tartymdy kórinedi. Kim Kon Hige qatysty túrli daý-damai da kóp. Onyń sulýlyǵyna tánti jankúierlerimen birge jaqtyrmaityndar da barshylyq. Biraq Ońtústik Koreianyń birinshi hanymynyń sulýlyǵy kóptiń ishinen rasymen de menmundalap turady.
Kim Keon Hi G20 sammitinde basqa elderdiń birinshi hanymdarymen birge
Raniia Ál-Abdýlla
Osy rette Iordaniia Koroli Abdalla II-niń jubaiy Raniia Ál-Abdýllanyń sulýlyǵy týraly aitpai ketýge bolmas. Ol ańyzǵa ainalǵan Djordjio Armanidiń mýzasy. Raniia hanym Iordaniiadaǵy áielder men balalardyń quqyǵyn qorǵaý qorynyń basshysy.
Foto:marieclaire.ru Iordaniia Koroli Abdalla II jáne jubaiy Raniia Ál-Abdýlla
Letisiia Ortis
Ispaniia koroli Filipp VI-ń áieli Letisiia Ortis te sulýlyǵymen eldi tánti etip júrgen hanshaiymdardyń biri. Letisiianyń mamandyǵy - jýrnalist. Ol jergilikti basylymdardan bastap, Blýmberg, CNN, ABC siiaqty tanymal BAQ-ta jumys istegen. Ol kásibi jetistikteri úshin Madrid baspasóz assotsatsiiasynyń Premio Mariano José de Larra nagradasyn alǵan.
Foto:marieclaire.ru Ispaniia koroli Filipp VI-ń áieli Letisiia Ortis ekeýiniń úilený toiynda
Foto:vk.com
Li Sol Chjý
Soltústik Koreianyń da birinshi hanymy súikimdi kelbetimen, sándi kiimderimen tamsandyra altyn áiel. Soltústik Koreia jabyq memleket bolǵanymen de birinshi hanym Dior, Chanel siiaqty tanymal brendterdiń aksessýarlarynan bas tartpaidy. Li Sol Chjýdy buryn elde «joldas Li» dep atasa, qazir «Qurmetti birinshi hanym» deidi. Li Sol Chjý Soltústik Koreia kóshbasshylary áielderiniń arasynda birinshi bolyp kópshilik aldynda shyqqan. Kim Chen Ynnyń ákesi men atasy eshqashan jubailaryn jurt aldyna shyǵarǵan emes. Soltústik Koreia qatań erejeler men shekteýlermen tanymal. Biraq Li Sol Chjý shashyn qiyp, pidjaktyń nemese kóilektiń keýde tusyndaǵy "uly kóshbasshy" belgisin ádemi broshpen aýystyrǵan áiel. Birinshi hanymnyń arqasynda korei áielderine Kim Chen Yn shalbar, djinsy kiiýge, biik óksheli jáne platformaly aiaq kiim kiiýge ruqsat berdi.
Foto:yugorod.ru Soltústik Koreia prezidenti Kim Chen Yn jáne Li Sol Chjý
Foto:dzen.ru
Elena Zelenskaia
Elena Zelenskaiaǵa qazir bútkil álemniń nazary aýyp otyrǵany túsinikti. Ol Ýkraina prezidenti Vladimir Zelenskiidiń jubaiy. Elena hanym symbatty kelbetimen ǵana emes saiasi belsendi ómirimen de jurtshylyqtyń nazarynda. Ýkrainanyń birinshi hanymy mádeni diplomatiia, mektepterdegi tamaqtaný júiesin reformalaý, kedergisiz keńistik jáne barlyq ýkraindar úshin teń múmkindikter máseleleri boiynsha jumystar júrgizip jatyr.
Foto: Vladimir Zelenskiidiń feisbýk paraqshasynan
Foto: Elena Zelenskaianyń feisbýk paraqshasynan
