Foto: Getty Images
Ýrýgvaidyń burynǵy prezidenti, óte qarapaiym ómir súrgendikten "álemdegi eń kedei prezident" dep atalyp ketken Hose Mýhika dúnie saldy, dep habarlaidy Ult.kz.
"Biz áriptesimiz Pepe Mýhikanyń qaitys bolǵany týraly qabyrǵamyz qaiysa habarlaimyz", — dep jazdy Ýrýgvai Prezidenti Iamanda Orsi H áleýmettik jelisinde.
Orsidiń aitýynsha, Mýhika tek Prezident qana emes, sonymen birge belsendi azamat, kópke úlgi jáne kóshbasshy bolǵan.
"Biz seni qatty saǵynatyn bolamyz, qymbatty aǵamyz. Bizge jasaǵan jaqsylyǵyńyz úshin jáne halqymyzǵa zor súiispenshiligińiz úshin raqmet", — dep qosty ol.
Mýhika 1935 jyly 20 mamyrda Montevideoda dúniege keldi.Sonymen qatar 2009 jyly Ýrýgvai prezidenti bolyp sailandy. Ol eldi 2015 jylǵa deiin basqardy.
Ol alty ret jaralanyp, 14 jyl túrmede otyrǵan. Mýhika qamaýda otyrǵan merziminiń kóp bóligin jalǵyz kamerada bolǵan. Ol 1985 jyly Ýrýgvaida demokratiia qaita ornaǵan kezde bosatylyp shyqty.
Biyl qańtar aiynda Hose Mýhikaǵa óńesh qaterli isigi diagnoz qoiylǵan, aýrý basqa organdarǵa tarap, emdelmeitini aityldy. Naýqas emdelýden bas tartyp, otandastarymen qoshtasqanyn habarlady.
Mýhika "álemdegi eń kedei prezident"degen ataqqa ie bolǵan. Ol áielimen birge gúl ósirip satqan, prezident bolyp turǵan kezinde jalaqysynyń 90% qaiyrymdylyqqa berip turǵan. Onyń menshiginde jalǵyz fermasy bolǵan jáne 1987 jylǵy Volkswagen Beetle kóligi bar edi.
Hose Mýhika 90 jasqa tolýǵa birneshe kún qalǵanda qaitys boldy.
