Ońtústik Koreiadaǵy shirkeýlerdiń birinde 300-den astam qyzmetker Covid-19 juqtyrdy. Ǵalymdar virýs shtammynyń juqpaly ekenine daýlasýda. Italiiada túngi klýbtar jabyldy. Bul týraly VVS agenttigi habarlady.
Ońtústik Koreia shirkeýinde indettiń órshýi
Ońtústik Koreiadaǵy shirkeýlerdiń birinde 300-den astam qyzmetker koronavirýs juqtyrǵan.
El biligi «Sarang Djeil» protestanttyq shirkeýiniń pastory Chýn Kvan Hýnǵa jaýapsyzdyǵyn jáne karantindik shekteýlerge baǵynbaǵanyn aiyptady. Senbi kúni ol adamdardy úkimetke qarsy demonstratsiiaǵa qatysýǵa shaqyrǵan. Endi, narazylyqqa qatysýshylardyń barlyǵyna ózin-ózi oqshaýlaý buiyrylǵan.
Aǵylshyn politsiiasy úilený toilaryn toqtatty
Jeksenbide Angliianyń soltústiginde politsiia adamdardyń toptasýyna bailanysty shekteýdi buzǵany úshin eki úilený toiyn toqtatýǵa májbúr boldy.
Lankashir okrýgindegi Blekbern qalasynda úilený toiyna 100-den astam qonaq jinalǵan. Al Manchesterde toiǵa 50-den astam adam kelgen. Koronavirýstyń órshýine bailanysty eki qalada da karantindik shekteýler engizilgen. Onyń ishinde birge turmaityn adamdardyń jinalýyna tyiym salynǵan.
Qatań karantindik sharalary joq Angliianyń aýdandarynda úilený toiyndaǵy qonaqtardyń sany 30 adamnan aspaýy kerek.
Ǵalymdar D614G shtammynyń juqpaly ekenine daýlasýda
Malaiziia Densaýlyq saqtaý ministrligi ǵalymdar koronavirýstyń D614G jańa mýtatsiiasyn anyqtady. Bul virýstyń bastapqy shtammyna qaraǵanda 10 ese kóp juqpaly ekenine senimdi.
Alaida, juqpaly aýrýlar jónindegi sarapshylar bul san eshqandai derektermen bekitilmegenin aitady.
D614G mýtatsiiasy Ýhanda alǵashqy koronavirýs indetinen keiin kóp uzamai paida boldy. Qazir ol álemdegi Covid-19-ǵa oń synamalardyń 97%-ynda bar.
Shildede VVS agenttigi virýsologtarǵa silteme jasai otyryp, bul mýtatsiianyń basqa shtammdarǵa qaraǵanda juqpalylyǵy joǵary ekendigine jetkilikti dálel joqtyǵyn habarlady.
Chehiiada maska taǵý qaita mindetteldi
Chehiiada 1 qyrkúiekten bastap kólikte jáne qoǵamdyq oryndarda maska taǵý mindetteldi. Bul eldegi koronavirýs juqtyrýdyń jańa jaǵdailarynyń ósýine bailanysty engizildi.
Chehiia naýryz aiynda Eýropadaǵy alǵashqy elderdiń biri bolyp el turǵyndaryna qoǵamdyq oryndarda maska taǵýdy buiyrǵan bulatyn. Biraq jaǵdai jaqsarǵannan keiin bul ereje birtindep jumsara bastady.
Japoniia ekonomikasynyń rekordtyq quldyraýy
Japon ekonomikasy 2020 jyldyń ekinshi toqsanynda qazirgi tarihynda eń úlken rekordtyq quldyraýdy bastan ótkerdi. Sáýir-maýsym ailarynda onyń JIÓ aldyńǵy úsh aimen salystyrǵanda 7,8% tómendedi. Jyldyq eseppen alǵanda bul – 27,8%. Taýarlar eksporty tómendedi, sheteldik týrister aǵyny toqtady.
Ispaniiadaǵy jańa shekteýler
Ispaniianyń taǵy tórt aimaǵy Andalýsiia, Galisiia, Kantabriia, Kastiliia jáne Leon koronavirýstyń jergilikti jerde órshýine bailanysty shekteý sharalaryn engizdi. La Rioha men Mýrsiiada jeksenbiden bastap karantin engizildi.
Túngi klýbtar jáne meiramhanalar túngi ýaqytta jabylady. Áleýmettik qashyqtyqty saqtaý múmkin bolmaǵan jaǵdaida kóshede qoǵamdyq oryndarda temeki shegýge tyiym salynady.
Ispaniianyń soltústigindegi Basktar eli densaýlyq saqtaý salasyndaǵy tótenshe jaǵdaidy jariialamaq.
Djons Hopkins Ýniversitetiniń málimeti boiynsha, Ispaniiada pandemiia bastalǵaly beri aýrý juqtyrýdyń 342,8 myńnan astam jaǵdaiy anyqtaldy, 28,6 myńnan astamy indetten qaitys boldy.
Tennisshiler US Open týrnirine barmaidy
Áielder arasyndaǵy álemniń ekinshi raketkasy, rýmyniialyq tennisshi Simona Halep 31 tamyzda Niý-Iorkte bastalatyn AQSh-tyń ashyq tennis chempionatyna barmaitynyn aitty.
Halepten basqa, USA Today jazǵandai, Rafael Nadal, Bianka Andreeský, Eshli Barti, Nik Kirios, Van Tsian, Sten Vavrinka, Elina Svitolina jáne Kiki Bertens jarystarǵa qatysýdan bas tartty.
Ózge elderdegi jaǵdai
Perýde táýliktik koronavirýs juqtyrýdyń jańa jaǵdailarynyń rekordtyq sany tirkeldi – 10,1 myńnan astam. Elde pandemiia bastalǵaly beri, resmi statistikaǵa sáikes, 525 myńnan astam adam Covid-19-ǵa shaldyqqan.
Boliviiada indetke shaldyǵý jaǵdailarynyń sany 100 myńnan asty.
Ulybritaniiaǵa Frantsiia, Niderland, Monako, Malta, Terks jáne Kaikos araldary men Arýbadan kelgender osy elderde koronavirýstyń órshýine bailanysty eki apta boiy oqshaýlanýy kerek.
Italiiada indetke shaldyǵýdyń jańa jaǵdailarynyń kóbeiýine bailanysty túngi klýbtar úsh aptaǵa jabyldy. Eldiń keibir aýdandarynda saǵat 18:00-den tańǵy altyǵa deiin maska taǵý mindetteldi.
Jańa Zelandiia koronavirýs infektsiiasynyń jańa oqiǵalary anyqtalǵannan keiin parlamenttik sailaýdy keiinge qaldyrý týraly sheshim qabyldady. Premer-ministr Djasinda Ardern 19 qyrkúiekte ótýi tiis bolǵan sailaý 17 qazanǵa aýystyrylǵanyn habarlady. Buǵan deiin bilik eldiń eń úlken qalasy Oklendte karantindik shekteýler engizgen bolatyn.
Al Qytai bir aida birinshi ret elde koronavirýs infektsiiasynyń jańa derekteri tirkelmegenin habarlady. Elde infektsiianyń nóldik kórsetkishi sońǵy ret 14 shildede bolǵan.
