«Centrasia Group» kompaniiasynyń basqarma tóraǵasy Almas Qudaibergen álemdegi munai baǵasyna qatysty halyqaralyq sarapshylardyń pikirimen bólisip, bul salany aldaǵy ýaqytta ne kútip turǵanyn aityp berdi, dep habarlaidy QazAqparat.
«Munai baǵasy aldaǵy birneshe aptada qandai shamada bolady? Bul suraq qazir bárin mazalap tur. 200 myńnan astam adam jumys isteitin Qazaqstannyń munai servistik naryǵyndaǵy jaǵdai da osy suraqtyń jaýabyna táýeldi. Bir munaishy – 3 nemese 4 munai salasyna qyzmet kórsetýshiden keledi. Koronavirýs jaǵdaiyna bailanysty álemdegi munai naryǵyndaǵy jaǵdai ózgerip ketti. Bul Qazaqstannyń ekonomikasyna aitarlyqtai áser etedi. Munai baǵasynyń qazir barreline 28-29 AQSh dollary bolyp turýy – bálkim jaqsy baǵa kórinýi múmkin. Sebebi halyqaralyq sarapshylardyń taldaýyna súiensek, aldaǵy 3-4 aida naryq óte kóp mólsherdegi munaiǵa tolyp ketedi», - dedi Almas Qudaibergen OKQ-da ótken baspasóz máslihatynda.
Kompaniianyń basqarma tóraǵasy ótken jyldyń sońynda munaiǵa degen álemdik suranys pen usynys kúnine 100 mln tonnalyq úilesimde bolǵanyn aityp ótti. Iaǵni, kúnine 100 mln tonna munai óndirilip, dál sol mólsherde satylyp ketip otyrǵan.
«Máselen IGS agenttigi 2020 jyldyń birinshi toqsanynyń qorytyndysy boiynsha naryqta artyq 1,3 mlrd barrel munaidyń bolatynyn boljap otyr. Olardyń esebinshe 2015-2016 jyly munai baǵasy tómendegen kezde artyq munai kólemi 350 mln barrel ǵana bolǵan. Bul mólsher álbette baǵaǵa qysym kórsetedi. Árine bul jaǵdaiǵa koronavirýsqa bailanysty ahýal áser etip tur. Máselen Qytaida munaidy tutyný deńgeii 20 paiyzǵa tómendep ketti. Áýe qatynastary da 20-30 paiyzǵa qysqarǵanyn baiqadyq. IGS agenttigi osy jyldyń naýryzy men mamyry aralyǵynda Qytai munaidy tutyný deńgeiin 10 paiyzǵa qysqartatynyn boljaidy», - dedi ol.
Almas Qudaibergen OPEK+ 1 sáýirden bastap jumysyn toqtatatyndyqtan Saýd Arabiiasy, Resei, Irak sekildi elder munai óndirisin arttyratynyn aitady. Osy memleketterdiń munai óndirisiniń qarqyn alýymen naryqta kúnine burynǵydan artyq 5-6 mln barrelden naryqqa quiylady.
«Iaǵni kúnine 15 mln barrelden artyq munai artyq bolyp qala bermek. Olar kúnige óndirile beredi de, satylmastan saqtalyp tura beredi. Pandemiianyń kesirinen suranys tártibiniń buzylyp ketýiniń saldary birinen keiin biri aiqyn kórinip jatyr. Odan da jaǵymsyz stsenariiler bar. Mysaly Dolche bank munai barreliniń 25 dollarǵa túsetinin boljasa, Sberbank keshe tipti barreliniń 20 dollarǵa deiin túsetinin jariialady», - dedi ol.
«Centrasia Group» kompaniiasynyń basqarma tóraǵasy osy rette Qazaqstandaǵy munai sektoryn memlekettik turǵyda qoldaý tetikteri ulǵaiatynyna senim bildirdi.
«Qarjy ministrligi keshe salyqtyq, múliktik salyqtan bosatý týraly habarlama taratty. Bul sharalar munai servistik indýstriiasyna da qoldanylar degen senimdemiz. Sonymen qatar salyq boiynsha aiyppuldar men ósimpuldardy toqtata turý kerek degen oidamyz. Munai sektoryna qosymsha resýrstardy bólý máselesi qaralar degen senimdemiz», - dedi ol.
