«Centrasia Group» كومپانيياسىنىڭ باسقارما تٶراعاسى الماس قۇدايبەرگەن ەلەمدەگٸ مۇناي باعاسىنا قاتىستى حالىقارالىق ساراپشىلاردىڭ پٸكٸرٸمەن بٶلٸسٸپ, بۇل سالانى الداعى ۋاقىتتا نە كٷتٸپ تۇرعانىن ايتىپ بەردٸ, دەپ حابارلايدى قازاقپارات.
«مۇناي باعاسى الداعى بٸرنەشە اپتادا قانداي شامادا بولادى? بۇل سۇراق قازٸر بەرٸن مازالاپ تۇر. 200 مىڭنان استام ادام جۇمىس ٸستەيتٸن قازاقستاننىڭ مۇناي سەرۆيستٸك نارىعىنداعى جاعداي دا وسى سۇراقتىڭ جاۋابىنا تەۋەلدٸ. بٸر مۇنايشى – 3 نەمەسە 4 مۇناي سالاسىنا قىزمەت كٶرسەتۋشٸدەن كەلەدٸ. كوروناۆيرۋس جاعدايىنا بايلانىستى ەلەمدەگٸ مۇناي نارىعىنداعى جاعداي ٶزگەرٸپ كەتتٸ. بۇل قازاقستاننىڭ ەكونوميكاسىنا ايتارلىقتاي ەسەر ەتەدٸ. مۇناي باعاسىنىڭ قازٸر باررەلٸنە 28-29 اقش دوللارى بولىپ تۇرۋى – بەلكٸم جاقسى باعا كٶرٸنۋٸ مٷمكٸن. سەبەبٸ حالىقارالىق ساراپشىلاردىڭ تالداۋىنا سٷيەنسەك, الداعى 3-4 ايدا نارىق ٶتە كٶپ مٶلشەردەگٸ مۇنايعا تولىپ كەتەدٸ», - دەدٸ الماس قۇدايبەرگەن وكق-دا ٶتكەن باسپاسٶز مەسليحاتىندا.
كومپانييانىڭ باسقارما تٶراعاسى ٶتكەن جىلدىڭ سوڭىندا مۇنايعا دەگەن ەلەمدٸك سۇرانىس پەن ۇسىنىس كٷنٸنە 100 ملن توننالىق ٷيلەسٸمدە بولعانىن ايتىپ ٶتتٸ. ياعني, كٷنٸنە 100 ملن توننا مۇناي ٶندٸرٸلٸپ, دەل سول مٶلشەردە ساتىلىپ كەتٸپ وتىرعان.
«مەسەلەن IGS اگەنتتٸگٸ 2020 جىلدىڭ بٸرٸنشٸ توقسانىنىڭ قورىتىندىسى بويىنشا نارىقتا ارتىق 1,3 ملرد باررەل مۇنايدىڭ بولاتىنىن بولجاپ وتىر. ولاردىڭ ەسەبٸنشە 2015-2016 جىلى مۇناي باعاسى تٶمەندەگەن كەزدە ارتىق مۇناي كٶلەمٸ 350 ملن باررەل عانا بولعان. بۇل مٶلشەر ەلبەتتە باعاعا قىسىم كٶرسەتەدٸ. ەرينە بۇل جاعدايعا كوروناۆيرۋسقا بايلانىستى احۋال ەسەر ەتٸپ تۇر. مەسەلەن قىتايدا مۇنايدى تۇتىنۋ دەڭگەيٸ 20 پايىزعا تٶمەندەپ كەتتٸ. ەۋە قاتىناستارى دا 20-30 پايىزعا قىسقارعانىن بايقادىق. IGS اگەنتتٸگٸ وسى جىلدىڭ ناۋرىزى مەن مامىرى ارالىعىندا قىتاي مۇنايدى تۇتىنۋ دەڭگەيٸن 10 پايىزعا قىسقارتاتىنىن بولجايدى», - دەدٸ ول.
الماس قۇدايبەرگەن وپەك+ 1 سەۋٸردەن باستاپ جۇمىسىن توقتاتاتىندىقتان ساۋد ارابيياسى, رەسەي, يراك سەكٸلدٸ ەلدەر مۇناي ٶندٸرٸسٸن ارتتىراتىنىن ايتادى. وسى مەملەكەتتەردٸڭ مۇناي ٶندٸرٸسٸنٸڭ قارقىن الۋىمەن نارىقتا كٷنٸنە بۇرىنعىدان ارتىق 5-6 ملن باررەلدەن نارىققا قۇيىلادى.
«ياعني كٷنٸنە 15 ملن باررەلدەن ارتىق مۇناي ارتىق بولىپ قالا بەرمەك. ولار كٷنٸگە ٶندٸرٸلە بەرەدٸ دە, ساتىلماستان ساقتالىپ تۇرا بەرەدٸ. پاندەمييانىڭ كەسٸرٸنەن سۇرانىس تەرتٸبٸنٸڭ بۇزىلىپ كەتۋٸنٸڭ سالدارى بٸرٸنەن كەيٸن بٸرٸ ايقىن كٶرٸنٸپ جاتىر. ودان دا جاعىمسىز ستسەنارييلەر بار. مىسالى دولچە بانك مۇناي باررەلٸنٸڭ 25 دوللارعا تٷسەتٸنٸن بولجاسا, سبەربانك كەشە تٸپتٸ باررەلٸنٸڭ 20 دوللارعا دەيٸن تٷسەتٸنٸن جارييالادى», - دەدٸ ول.
«Centrasia Group» كومپانيياسىنىڭ باسقارما تٶراعاسى وسى رەتتە قازاقستانداعى مۇناي سەكتورىن مەملەكەتتٸك تۇرعىدا قولداۋ تەتٸكتەرٸ ۇلعاياتىنىنا سەنٸم بٸلدٸردٸ.
«قارجى مينيسترلٸگٸ كەشە سالىقتىق, مٷلٸكتٸك سالىقتان بوساتۋ تۋرالى حابارلاما تاراتتى. بۇل شارالار مۇناي سەرۆيستٸك يندۋستريياسىنا دا قولدانىلار دەگەن سەنٸمدەمٸز. سونىمەن قاتار سالىق بويىنشا ايىپپۇلدار مەن ٶسٸمپۇلداردى توقتاتا تۇرۋ كەرەك دەگەن ويدامىز. مۇناي سەكتورىنا قوسىمشا رەسۋرستاردى بٶلۋ مەسەلەسٸ قارالار دەگەن سەنٸمدەمٸز», - دەدٸ ول.
