Beisenbi kúni tańǵy málimet boiynsha, álemde koronavirýs juqtyrý oqiǵalarynyń sany 317 700 427-ge jetti. Bul týraly málimetti álemdegi eń mańyzdy oqiǵalar týraly statistikalyq málimetter jinaityn Worldometer portaly jariialady, dep habarlaidy QazAqparat.
Álemde koronavirýs tarala bastaǵannan beri bul qaýipti virýstan 5 531 439 adam qaitys boldy.
20 millionnan astam turǵyny indet juqtyrǵan elder qataryna AQSh, Úndistan jáne Braziliia kiredi.
AQSh koronaviýsqa shaldyqqandar men odan qaitys bolǵandar sany boiynsha kóshbasshy bolyp qala otyr. Munda COVID-19 juqtyrǵan 64 359 409 jáne osy aýrýdan kóz jumǵan 866 891 adam anyqtaldy.
Úndistan virýs juqtyrǵandar sany boiynsha ekinshi orynda tur. Onda COVID-19 rastalǵan jaǵdailarynyń sany 36 317 927-ge jetti, elde virýsty juqtyrý saldarynan qaitys bolǵandar sany 485 035.
COVID-ke shaldyqqandar sany boiynsha úshinshi orynda Braziliia tur, onda 22 718 606 adam virýs juqtyryp, sonyń ishinde 620 507 adam qaitys boldy.
