Amerikalyq Djon Hopkins ýniversitetiniń málimeti boiynsha, álemde koronavirýs infektsiiasynan qaitys bolǵandar 300 myń adamnan asty. Epidemiia taraǵaly beri 4 millionnan astam adamnan koronavirýs tabylǵan. Shamamen 1 mln 700 myńnan astam adam jazylǵan.
Naýqastar sany jaǵynan AQSh álem boiynsha alda tur. Munda 1 mln 400 myńnan astam adamnan koronavirýs tabylǵan. 86 myńnan astam adam qaitys bolǵan.
AQSh-tan keiin turǵan Reseide resmi málimet boiynsha, 250 myńnan astam adamnan koronavirýs tabylǵan. 2 myńnan astam adam qaitys bolǵan.
Úshinshi orynda turǵan Ulybritaniiada 230 myńnan astam adamnan virýs tabylǵan. Shamamen 33,5 myń naýqas qaitys bolǵan.
Jaqynda britandyq Financial Times jáne amerikalyq New York Timesbasylymy Reseidiń resmi deregin taldai otyryp, Máskeý men Sankt-Peterbýrgte koronavirýstan qaitys bolǵandar sany resmi kórsetkishten 70 paiyzǵa artyq bolýy múmkin dep habarlaǵan. Resei SIM aqparatty joqqa shyǵarýdy talap etti.
Koronavirýstyń jańa túri byltyr jeltoqsan aiynyń sońynda Qytaida tarai bastaǵan. Infektsiia birtindep álem elderine jaiyldy. AQSh Qytaidy indet qaýpi týraly der kezinde eskertpedi dep aiyptaidy. Pekin barlyq aiypty joqqa shyǵarady.
