Álemde koronavirýs juqtyrǵandar sany 8 millionnan asty, dep habarlaidy "Ult aqparat" Amerikadaǵy Djon Hopkins ýniversitetiniń aqparatyna súienip.
Ýniversitet málimetterinshe, álemde indet juqtyrǵandardyń jalpy sany qazirgi kezde 8 018 742 adamǵa jetken. Onyń ishinde jazylyp shyqqandar sany – 3 816 550, 436 406 naýqas kóz jumǵan.
Indet juqtyrý sany boiynsha AQSh kósh bastap tur. Búginde onda COVID-19-ǵa 2 113 901 adam shaldyqty. Qaitys bolǵandar sany 116 myń adamnan asty.
Ekinshi orynda Braziliia tur. Onda koronavirýsty juqtyrýdyń 888 271 oqiǵasy tirkeldi. Bul el sondai-aq, indetten kóz jumǵandar sany jaǵynan da ekinshi orynda (43 959 adam).
Tizimniń úshinshi ornynda Resei eli ornalasqan. Onda koronavirýske 536 484 adam shaldyqty. Aita ketý kerek, Soltústik jáne Ońtústik Amerika, sondai-aq Eýropa elderimen salystyrǵanda Reseide koronavirýsten qaitys bolǵandar sany aitarlyqtai az – 7 081.
