Álemde koronavirýs juqtyrǵandar sany 90 myńnan asty. Bul týraly Dúniejúzilik densaýlyq saqtaý uiymynyń basshysy Tedros Gebrees málim etti, dep habarlaidy KYODO NEWS.
«Qazirgi ýaqytta álemde COVID-19 virýsyn juqtyrǵandar sany 90 893 adam jáne odan 3110 adam qaitys boldy», - dep málimdedi DDSU bas direktory brifingte.
Sońǵy 48 saǵatta Qytaidan tysqary jerde tirkelgen 1848 naýqastyń 80%-y úsh elge tiesili: Iran, Italiia jáne Ońtústik Koreia.
DDSU basshysynyń málimetinshe, osy jyldyń qańtar aiynyń sońynda Qytaida koronavirýstyń órshý qarqyny azaiǵan.
Dúisenbi kúni Gebrees myrza Iran, Italiia, Japoniia jáne Ońtústik Koreiadaǵy epidemiiany «eń úlken másele» dep atady.
