Álemde koronavirýs indetin juqtyrý jaǵdailary 530 myńnan asyp jyǵyldy, dep habarlaidy "Ult aqparat".
«27 naýryz tańyndaǵy jaǵdai boiynsha, álemde infektsiiaǵa 534 506 adam shaldyqty. Bir táýlik ishinde olardyń sany 59 419 kóbeidi. 24 187 adam qaitys boldy, bir táýlik ishinde – 2787. Jazylyp shyqqandar sany 119 951, bir táýlik ishinde – 9293», - delingen QR Densaýlyq saqtaý ministrligi Taýarlar men kórsetiletin qyzmetterdiń sapasyn jáne qaýipsizdigin baqylaý komitetiniń málimetinde.
Aita keteiik, 27 naýryz, saǵat 07.50-degi jaǵdai boiynsha, Qazaqstanda indetke 120 adam shaldyqty: Nur-Sultan qalasynda - 60 adam, Almaty qalasynda – 47, Qaraǵandy oblysynda - 4, Shymkent qalasynda - 2, Almaty oblysynda - 1, Aqtóbe oblysynda - 1, Jambyl oblysynda - 3, Soltústik Qazaqstan oblysynda - 1, Aqmola oblysynda - 1 adam.
