Álemde koronavirýs infektsiiasyn juqtyrǵandar sany 475 myńnan asyp jyǵyldy. Bir táýlikte 2400-den astam adam qaza boldy, dep habarlaidy "Ult aqparat".
QR Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komiteti usynǵan aqparatqa súiensek, 26 naýryz tańyndaǵy jaǵdai boiynsha, dúniejúzi boiynsha COVID-19-ǵa shaldyqqandar sany 475 087-ni qurady. Statistika bir táýlikte 50 865 adamǵa artty.
Qaitys bolǵandar – 21 400, bir táýlikte – 2407 adam. Jazylyp shyqqandar sany 110 658, bir táýlikte – 4852 adam.
Qazaqstanda 26 naýryz saǵat 08:25 jaǵdai boiynsha, indetti juqtyrǵandar sany 88-ge jetti:
Nur-Sultan qalasynda - 46 adam, Almaty qalasynda – 34, Qaraǵandy qalasynda - 2, Shymkent qalasynda - 2, Almaty oblysynda - 1, Aqtóbe oblysynda - 1, Jambyl oblysynda - 1, Soltústik Qazaqstan oblysynda - 1 adam.
