Djons Hopkins institýtynyń málimeti boiynsha álem boiynsha Covid-19 indetin juqtyrǵandardyń jalpy sany 18 millionǵa jýyqtady, 685 myńnan astam adam ólimi tirkelgen. Indet birneshe elde belsendi túrde taralyp jatyr. Olardyń qatarynda Avstraliia, AQSh, Ońtústik Afrika men Úndistan bar, dep habarlaidy Bi-Bi-Si agenttigi.
Avstraliianyń Viktoriia shtatynda infektsiiaǵa shaldyqqandar statistikasy kúrt artyp, aiasynda apat rejimi jariialandy. Munda sońǵy táýlikte 671 adamnyń aýrý juqtyrǵany rastaldy.
Shtattyń astanasy Melbýrnde 4-shi deńgeidegi saqtyq sharalary engizildi. Atalǵan shekteý sharasyna sáikes, turǵyndarǵa turatyn jerinen 5 shaqyrym radiýsta azyq-túlik alý nemese sportpen shuǵyldaný úshin ǵana úiden shyǵýǵa ruqsat etiledi. Bul shekteýler kem degende 6 aptaǵa sozylady.
Reseide jeksenbi kúni virýs juqtyrýdyń 5 427 jańa jaǵdaiy tirkeldi. Indet taraǵaly 850 myńnan astam adam aýrýǵa shaldyqqan. Resei aýrý juqtyrǵandar sany boiynsha álemde tórtinshi orynda tur.
Latyn Amerikasy men Karib basseini elderinde Covid-19 virýsynan 200 myńnan astam adam kóz jumǵan. Olardyń basym kópshiligi, shamamen 75%-y Braziliia men Meksikadan.
Ońtústik Afrikada 500 myńnan astam adam indetke shaldyqqan.
Úndistanda úshinshi kún qatarynan aýrý juqtyrǵandar sany 50 myńnan asty.
AQSh-ta Donald Tramp resmi túrde prezidenttikke úmitker dep jariialanýy tiis respýblikalyqtardyń sailaýaldy sezi koronavirýsqa bailanysty tarihta alǵash ret jýrnalister úshin jabyq rejimde ótetinin málim etti. Ol 24 tamyzda Soltústik Karolina shtatynyń Sharlott qalasynda 336 delegattyń qatysýymen ótedi.
Iranda ótken táýlikte aýrý juqtyrǵan 2 685 naýqas anyqtaldy. Bul – bir ai ishindegi eń joǵary ósim kórsetkishi.
