Álemde qoldanysqa ruqsat etilgen vaktsinalardyń birde-biri synaqtyń úshinshi satysynan tolyq ótken joq. Bul týraly Biologiialyq qaýipsizdik máseleleri jónindegi ǵylymi-zertteý institýtynyń bas direktory Kúnsulý Zakariia aitty, dep habarlaidy QazAqparat.
«Búginde qoldanysqa ruqsat etilgen vaktsinalardyń birde-biri synaqtyń úshinshi satysynan tolyqtai ótken joq. Dúniejúzilik densaýlyq saqtaý uiymy pandemiia kezeńinde alǵashqy eki satyda jaqsy nátije kórsetken vaktsina meditsinada qoldanýǵa bolady degen shuǵyl sheshim qabyldaǵan bolatyn. Sondyqtan bizde de barlyq klinikalyq zertteýlerdiń tolyq ótkenin kútetin ýaqyt joq», - dedi Kúnsulý Zakariia Bilim jáne ǵylym ministrliginiń Instagram-paraqshasynda ótken onlain brifing barysynda.
Onyń atap ótýinshe, aralyq nátije jaqsy bolǵan kezde vaktsinany qoldanýǵa ruqsat beriledi.
«Osylaisha, ózge vaktsinalar siiaqty bizdiń de vaktsinamyz ýaqytsha memleketten tirkeýden ótti jáne klinikalyq zertteýdiń 3-satysy 50 paiyzǵa oryndalǵannan keiin meditsinalyq qoldanysqa engizildi. Atalǵan vaktsinanyń naqty kólemi shyǵaryldy. Búginde koronavirýs infektsiiasynan vaktsinadan ózge qorǵanys quraly joq ekendigin túsiný qajet. Dárilik zat áli jasalmady, olar endi ǵana jasalatyn bolady», - dedi institýt bas direktory.
