ەلەمدە قولدانىسقا رۇقسات ەتٸلگەن ۆاكتسينالاردىڭ بٸردە-بٸرٸ سىناقتىڭ ٷشٸنشٸ ساتىسىنان تولىق ٶتكەن جوق. بۇل تۋرالى بيولوگييالىق قاۋٸپسٸزدٸك مەسەلەلەرٸ جٶنٸندەگٸ عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكارييا ايتتى, دەپ حابارلايدى قازاقپارات.
«بٷگٸندە قولدانىسقا رۇقسات ەتٸلگەن ۆاكتسينالاردىڭ بٸردە-بٸرٸ سىناقتىڭ ٷشٸنشٸ ساتىسىنان تولىقتاي ٶتكەن جوق. دٷنيەجٷزٸلٸك دەنساۋلىق ساقتاۋ ۇيىمى پاندەمييا كەزەڭٸندە العاشقى ەكٸ ساتىدا جاقسى نەتيجە كٶرسەتكەن ۆاكتسينا مەديتسينادا قولدانۋعا بولادى دەگەن شۇعىل شەشٸم قابىلداعان بولاتىن. سوندىقتان بٸزدە دە بارلىق كلينيكالىق زەرتتەۋلەردٸڭ تولىق ٶتكەنٸن كٷتەتٸن ۋاقىت جوق», - دەدٸ كٷنسۇلۋ زاكارييا بٸلٸم جەنە عىلىم مينيسترلٸگٸنٸڭ Instagram-پاراقشاسىندا ٶتكەن ونلاين بريفينگ بارىسىندا.
ونىڭ اتاپ ٶتۋٸنشە, ارالىق نەتيجە جاقسى بولعان كەزدە ۆاكتسينانى قولدانۋعا رۇقسات بەرٸلەدٸ.
«وسىلايشا, ٶزگە ۆاكتسينالار سيياقتى بٸزدٸڭ دە ۆاكتسينامىز ۋاقىتشا مەملەكەتتەن تٸركەۋدەن ٶتتٸ جەنە كلينيكالىق زەرتتەۋدٸڭ 3-ساتىسى 50 پايىزعا ورىندالعاننان كەيٸن مەديتسينالىق قولدانىسقا ەنگٸزٸلدٸ. اتالعان ۆاكتسينانىڭ ناقتى كٶلەمٸ شىعارىلدى. بٷگٸندە كوروناۆيرۋس ينفەكتسيياسىنان ۆاكتسينادان ٶزگە قورعانىس قۇرالى جوق ەكەندٸگٸن تٷسٸنۋ قاجەت. دەرٸلٸك زات ەلٸ جاسالمادى, ولار ەندٸ عانا جاسالاتىن بولادى», - دەدٸ ينستيتۋت باس ديرەكتورى.
