Koronavirýs álemniń 25,16 million turǵynynan anyqtaldy, bul derekti Worldometer halyqaralyq eriktiler toby keltirdi.
Olardyń baǵalaýynsha, COVID-19 indetinen 846 772 adam qaitys bolyp, 17,5 millionnan astam naýqas saýyqqan, dep habarlaidy Deutsche Welle teleradiokompaniiasy.
Sońǵy ýaqytta Batys Eýropada aýrý juqtyrǵandar sany artty, bul turǵyndardyń demalystan oralýymen bailanysty. Kóptegen el infektsiiany tejeý sharalaryn taǵy da qatańdatýǵa májbúr. Osylaisha, Germaniiada kem degende, jyl sońyna deiin iri sharalarǵa tyiym salyndy. Al Majarstan 1 qyrkúiekten bastap EO memleketteriniń alǵashqysy bolyp sheteldikter úshin shekarany qaitadan jabady. Bul shekteý sharasy bir aiǵa sozylady.
Buǵan deiin Ýkraina da sheteldikterge bir ai merzimge shekarany japqan edi. Onda 29 tamyzda rastalǵan aýrýdyń ósimi (2481 jaǵdai) eldegi eń joǵarǵy mejeni kórsetti. Aýrý juqtyrǵandardyń jalpy sany 116 978 adamǵa jetti, onyń ishinde 2492 adam qaitys bolyp, 56 138 naýqas jazylyp shyqty. Ýkrainanyń densaýlyq saqtaý ministrligi atap ótkendei, naýqastardyń kópshiligi Lvov oblysynda (14 168), Kievte (12 984) jáne Chernovtsy oblysynda (9997) tirkelgen.
Al Reseide tamyz aiynyń ortasynan bastap jańa juqtyrý jaǵdailarynyń kólemi 5000-nan asqan joq. Jedel shtab málimetteri boiynsha 29 tamyzǵa qarai elde koronavirýs infektsiiasy 985 346 adamnan anyqtalǵan, 17 025 naýqas qaitys bolyp, 804 383 saýyqqan.
COVID-19 qozdyrǵyshy 2019 jyldyń aiaǵynda Qytaidyń Hýbei provintsiiasynda tarap, 210-nan astam el men aýmaqqa jetti.
Koronavirýs juqtyrǵandar sanynyń tórtten biri AQSh úlesinde. Epidemiia bastalǵaly bul elde 6 millionǵa jýyq adamnyń Covid infektsiiasyn juqtyrǵany rastalǵan. Onyń 183 myńǵa jýyǵy qaitys bolǵan, 2 millionnan astamy jazylyp shyqqan.
AQSh-tan keiingi orynda – Braziliia. Bul elde koronavirýs indetine 3,8 millionnan astam adam shaldyqqan. El prezidenti Jair Bolsonarý kóp ýaqyt boiy koronavirýs infektsiiasynyń baryn joqqa shyǵaryp kelip, keiinnen virýsty ózi juqtyryp aldy.
Halqynyń sany jóninen álemniń ekinshi eli sanalatyn Úndistanda virýs úlken qarqynmen tarap jatyr. 30 tamyz kúni bul elde rekordtyq kórsetkish tirkeldi. Eldiń Densaýlyq saqtaý ministrliginiń málimetinshe, táýlik ishinde 78 761 adamnyń koronavirýs infektsiiasyn juqtyrǵany rastalǵan. Djons Hopkins ýniversitetiniń dereginshe, Úndistanda koronavirýs infektsiiasy barlyǵy 3,5 million adamnan anyqtalǵan. Virýs juqtyrǵan 2,7 million adam aýrýdan jazylyp shyqsa, 63,4 myń naýqas qaitys bolǵan.
Koronavirýstyń taraýyn tejegendei kóringen Ońtústik Koreiada on jetinshi kún qatarynan táýlik saiyn júzdegen naýqas tirkelip otyr. 30 tamyz kúni eldegi virýs juqtyrǵandar sany 299 adamǵa artqan. Bul – keiingi bes táýliktegi eń tómen kórsetkish. Virýs juqtyrǵandardyń jalpy sany – 19 699. Aýrýdan 14,9 myń adam jazylyp shyqqan, 323 adam qaitys bolǵan.
