Álemde 5 jasqa deiingi ár úshinshi bala toiyp tamaq ishpeidi. Alty ai men eki jas aralyǵyndaǵy balalardyń úshten ekisi qajetti nárli taǵamdardy jemeidi, dep habarlaidy UNICEF.
BUU Balalar qorynyń málimetterine sensek, durys tamaqtanbaý saldarynan álemde 150 million balanyń damýynda kesheýil bar, al 50 million bala artyq salmaqtan qiyndyq kórip otyr.
Sonymen qatar mamandar mektep jasyndaǵy balalardyń jartylai fabrikat pen fastfýdty kóp tutynatynyn atap ótken. Sonyń kesirinen 5 pen 19 jas aralyǵyndaǵy ár besinshi balada artyq salmaq baiqalǵan. Bul problemalardy sheshý úshin IýNISEF balalarǵa arnalǵan tamaq ónimderiniń jarnamasyn azaitýdy qolǵa alý kerektigin aitty.
«Álemde tehnologiialyq, mádeni jáne áleýmettik progress bar, soǵan qaramastan balalardyń ómir súrý sapasy áli de kóńil kónshitpeidi. Milliondaǵan bala basqa tańdaýy bolmaǵandyqtan paidasyz ratsiondy tutynýǵa májbúr», - deidi IýNISEF basshysy Genrietta For.
