Elimizdiń talantty boksshysy, bokstan Tokio olimpiadasynyń kúmis júldegeri, álem chempiony Sáken Bibosynov otaý qurdy, dep habarlaidy QazAqparat.
Túrkistandyq talantty boksshynyń tańdaýy Nazira esimdi sulýǵa túsipti. Ol - Ordabasy aýdanyna qarasty Amakeldi aýylynyń týmasy.
«Qalyńdyǵymdy keshe uzatyp alyp keldim. Alda toi bolady, soǵan daiyndalyp jatyrmyz. Jubaiym sportshynyń jaǵdaiyn túsinetin jar bolatyndyǵyna senimdimin. Tileýles aǵalarymyzǵa, aǵaiyndarǵa rahmet aitamyn», - deidi Sáken Bibosynov.
