Shaibaly hokkeiden álem chempionatynda top-divizionda Qazaqstan quramasy búgin kezekti oiynyn Slovakiiaǵa qarsy ótkizdi, dep habarlaidy QazAqparat.
Búgingi kezdesý tartysty ótti. Birinshi kezeńde qazaqstandyq qurama sapynan Kirill Paniýkov 15, Dmitrii Shevchenko 17-minýttarda mergendik tanytsa, oǵan slovakiialyq Andrei Kollar bir shaibamen ajýap qaiyrdy.
Ekinshi kezeńde slovakiialyq qurama qatarynan úsh shaiba soǵyp ketti. Olardyń qatarynan Martin Fegervary 29, Adam Lishka 33, Iýrai Slafkovski 34-minýttarda kózdegen nysanadan múlt ketken joq.
Úshinshi kezeńdi qazaqstandyq hokkeishiler sátti bastady. Oiynnyń 43-minýtta Kirill Paniýkov taǵy bir márte gol soǵypǵ esep aiyrmasyn qysqarta tústi. Kezdesýde Qazaqstan quramasy qarsylasyna 3:4 esebimen ese jiberdi.
Endi olar aldaǵy oiynyn 22 mamyrda Germaniiaǵa qarsy ótkizedi.
Aita ketsek, álem chempionaty 13-29 mamyr aralyǵynda Finliandiianyń Helsinki jáne Tampere qalalarynda ótip jatyr
Qazaqstan quramasy A tobynda synǵa túsýde. Qarsylastary - Kanada, Slovakiia, Germaniia, Daniia, Shveitsariia, Italiia jáne Frantsiia.
