Fýtboldan 2022 jylǵy álem chempionatyna irikteý satysyndaǵy Qazaqstan men Finliandiia kezdesýi aiaqtaldy, dep habarlaidy "Ult aqparat".
Buǵan deiin quramalar úsh márte kezdesken. Onyń bireýinde teń nátije tirkelse, qalǵan ekeýinde qazaqstandyq fýtbolshylar qarsylastaryna ese jiberdi.
Búgin Finliandiia jyldam gol soǵýǵa tyrysty. Degenmen Qazaqstan quramasy laiyqty toitarys berdi. Keibir sátterde olar da shabýyl shebine shyǵyp, gol soǵatyn múmkindikterdi izdedi. Dese de tablodaǵy esepke ózgeris engen joq.
Ekinshi kezeńde quramalar bir-biriniń qaqpasynan sańylaý izdedi. Nátijesinde finliandiialyq Ioel Pohianpalo 60-minýtta áýelete kelgen dopty Qazaqstan quramasy qaqpasyna baspen soǵyp ketti.
Kezdesýde Qazaqstan qarsylasyna 0:1 esebimen jol berdi.
Aita keteiik, qazaqstandyq qurama irikteý satysynda D tobynda synǵa túsedi. Qarsylastary - Frantsiia, Ýkraina, Bosniia jáne Gertsogovina, Finliandiia.
Sondai-aq, búgin atalǵan topta Ýkraina men Frantsiia quramasy sheberlik baiqasady.
Endi Qazaqstan quramasy 7 qyrkúiekte syrt alańda Bosniia jáne Gertsogovinamen kezdesedi.
Qazirge deiin ulttyq qurama úsh oiyn ótkizdi. Alǵashqysynda óz alańynda Frantsiiadan 0:2 esebimen jeńilse, odan keiin syrt alańda Ýkrainamen 1:1 esebimen teń tústi. Odan óz alańynda Ýkrainamen 2:2 esebimen teń oinady.
