Álem boiynsha sońǵy on jylda jumys isteitin balalar sany 38% qysqarǵan. Bul málimetterdi búgin QR Eńbek jáne halyqty áleýmettik qorǵaý ministrliginde (budan ári – Eńbekmini) Balalar eńbeginiń eń nashar túrlerine qarsy kúres jónindegi úilestirý keńesiniń otyrysynda málim boldy.
Otyrysty ashqan QR Eńbek jáne halyqty áleýmettik qorǵaý vitse-ministri Aqmádi Sarbasov 2021 jyl Halyqaralyq balalar eńbegine qarsy kúres jyly dep jariialanǵanyn atap ótti.
«Halyqaralyq eńbek uiymynyń (budan ári – HEU) derekteri boiynsha jumys isteitin balalar sany sońǵy onjyldyqta 38%-ǵa qysqarǵan, alaida 152 mln bala burynǵysynsha balalar eńbegine tartylǵan. Balalar eńbegi balanyń densaýlyǵyna qaýip tóndiretin nemese onyń bilim alýyna kedergi keltiretin ne onyń densaýlyǵy men fizikalyq, aqyl-oi, rýhani, moraldyq jáne áleýmettik damýyna nuqsan keltiretin jumysty bildiredi. Balalardyń problemalaryn sheshý ulttyq basym mindetterdiń biri bolyp tabylatyny kezdeisoq emes», – dedi vitse-ministr.
Onyń aitýynsha, Qazaqstan HEU-nyń «Jumysqa qabyldaýdyń eń tómengi jasy týraly» jáne «Balalar eńbeginiń eń nashar túrlerine tyiym salý jáne olardy joiý jónindegi shuǵyl sharalar týraly» negizgi konventsiialaryn ratifikatsiialady.
Sondai-aq, respýblikada balalar eńbeginiń eń nashar túrlerin joiý jónindegi 2020-2022 jyldarǵa arnalǵan is-sharalar jospary jáne Qazaqstan Respýblikasy Úkimetiniń Adam saýdasyna bailanysty qylmystardyń aldyn alý, jolyn kesý jáne olarǵa qarsy kúres jónindegi 2021-2023 jyldarǵa arnalǵan is-sharalar jospary iske asyrylýda.
Olar:
- balalar eńbeginiń eń nashar túrlerimen kúresýge;
- májbúrli eńbekti, onyń ishinde maqta alqaptarynda, temeki plantatsiialarynda, qurylys jáne ózge de obektilerde balalar eńbegin paidalanýdy boldyrmaýǵa, bala eńbegin paidalanýǵa jol bermeýge memlekettik baqylaý júrgizýge;
- quzyretti organdar arasynda adam saýdasy men balalar pornografiiasyna bailanysty jáne osyndai qyzmetterge suranys týdyratyn buqaralyq aqparat quraldaryndaǵy jáne Internettegi jarnamalyq habarlandyrýlar men aqparattyq materialdarǵa qatysty monitoring júrgizýge jáne derekter almasýǵa baǵyttalǵan.
Kámeletke tolmaǵandardyń eńbek quqyqtaryn qorǵaýǵa baǵyttalǵan baqylaýdy ýákiletti memlekettik organdar (eńbek inspektsiiasy, prokýratýra, bilim basqarmasy) júzege asyrady.
