ەلەم بويىنشا سوڭعى ون جىلدا جۇمىس ٸستەيتٸن بالالار سانى 38% قىسقارعان. بۇل مەلٸمەتتەردٸ بٷگٸن قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸندە (بۇدان ەرٸ – ەڭبەكمينٸ) بالالار ەڭبەگٸنٸڭ ەڭ ناشار تٷرلەرٸنە قارسى كٷرەس جٶنٸندەگٸ ٷيلەستٸرۋ كەڭەسٸنٸڭ وتىرىسىندا مەلٸم بولدى.
وتىرىستى اشقان قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ اقمەدي سارباسوۆ 2021 جىل حالىقارالىق بالالار ەڭبەگٸنە قارسى كٷرەس جىلى دەپ جارييالانعانىن اتاپ ٶتتٸ.
«حالىقارالىق ەڭبەك ۇيىمىنىڭ (بۇدان ەرٸ – حەۇ) دەرەكتەرٸ بويىنشا جۇمىس ٸستەيتٸن بالالار سانى سوڭعى ونجىلدىقتا 38%-عا قىسقارعان, الايدا 152 ملن بالا بۇرىنعىسىنشا بالالار ەڭبەگٸنە تارتىلعان. بالالار ەڭبەگٸ بالانىڭ دەنساۋلىعىنا قاۋٸپ تٶندٸرەتٸن نەمەسە ونىڭ بٸلٸم الۋىنا كەدەرگٸ كەلتٸرەتٸن نە ونىڭ دەنساۋلىعى مەن فيزيكالىق, اقىل-وي, رۋحاني, مورالدىق جەنە ەلەۋمەتتٸك دامۋىنا نۇقسان كەلتٸرەتٸن جۇمىستى بٸلدٸرەدٸ. بالالاردىڭ پروبلەمالارىن شەشۋ ۇلتتىق باسىم مٸندەتتەردٸڭ بٸرٸ بولىپ تابىلاتىنى كەزدەيسوق ەمەس», – دەدٸ ۆيتسە-مينيستر.
ونىڭ ايتۋىنشا, قازاقستان حەۇ-نىڭ «جۇمىسقا قابىلداۋدىڭ ەڭ تٶمەنگٸ جاسى تۋرالى» جەنە «بالالار ەڭبەگٸنٸڭ ەڭ ناشار تٷرلەرٸنە تىيىم سالۋ جەنە ولاردى جويۋ جٶنٸندەگٸ شۇعىل شارالار تۋرالى» نەگٸزگٸ كونۆەنتسييالارىن راتيفيكاتسييالادى.
سونداي-اق, رەسپۋبليكادا بالالار ەڭبەگٸنٸڭ ەڭ ناشار تٷرلەرٸن جويۋ جٶنٸندەگٸ 2020-2022 جىلدارعا ارنالعان ٸس-شارالار جوسپارى جەنە قازاقستان رەسپۋبليكاسى ٷكٸمەتٸنٸڭ ادام ساۋداسىنا بايلانىستى قىلمىستاردىڭ الدىن الۋ, جولىن كەسۋ جەنە ولارعا قارسى كٷرەس جٶنٸندەگٸ 2021-2023 جىلدارعا ارنالعان ٸس-شارالار جوسپارى ٸسكە اسىرىلۋدا.
ولار:
- بالالار ەڭبەگٸنٸڭ ەڭ ناشار تٷرلەرٸمەن كٷرەسۋگە;
- مەجبٷرلٸ ەڭبەكتٸ, ونىڭ ٸشٸندە ماقتا القاپتارىندا, تەمەكٸ پلانتاتسييالارىندا, قۇرىلىس جەنە ٶزگە دە وبەكتٸلەردە بالالار ەڭبەگٸن پايدالانۋدى بولدىرماۋعا, بالا ەڭبەگٸن پايدالانۋعا جول بەرمەۋگە مەملەكەتتٸك باقىلاۋ جٷرگٸزۋگە;
- قۇزىرەتتٸ ورگاندار اراسىندا ادام ساۋداسى مەن بالالار پورنوگرافيياسىنا بايلانىستى جەنە وسىنداي قىزمەتتەرگە سۇرانىس تۋدىراتىن بۇقارالىق اقپارات قۇرالدارىنداعى جەنە ينتەرنەتتەگٸ جارنامالىق حابارلاندىرۋلار مەن اقپاراتتىق ماتەريالدارعا قاتىستى مونيتورينگ جٷرگٸزۋگە جەنە دەرەكتەر الماسۋعا باعىتتالعان.
كەمەلەتكە تولماعانداردىڭ ەڭبەك قۇقىقتارىن قورعاۋعا باعىتتالعان باقىلاۋدى ۋەكٸلەتتٸ مەملەكەتتٸك ورگاندار (ەڭبەك ينسپەكتسيياسى, پروكۋراتۋرا, بٸلٸم باسقارماسى) جٷزەگە اسىرادى.
