Foto: RBK
Meksikalyq Fatima Bosh Tailandta ótken «Ǵalam arýy – 2025» baiqaýynda jeńimpaz atandy. Bul – Meksikanyń osy baiqaýdaǵy tórtinshi jeńisi. Oǵan tájdi byltyrǵy jeńimpaz, daniialyq Viktoriia Teilvig tabystady, dep habarlaidy Ult.kz.
Final qarsańynda Boshtyń jeńisi daýǵa qalǵan edi: shoý vitse-prezidenti onyń namysyna tietin sóz aityp, «aqymaq» dep qorlap, fotosessiiadan qýyp jibergen. Qatysýshylardyń narazylyǵynan keiin uiymdastyrýshy qyzmetinen shettetildi.
Jeńisten keiin Fatima Bosh titýlyn qyz-kelinshekterdi shabyttandyrýǵa qoldanatynyn aitty:
«Qai jerde qarańǵylyq bolsa – sol jerge jaryq alyp barǵym keledi. Qyzdar men áielderge óz-ózine senýge, óziniń qazirdiń ózinde jetkilikti jaqsy ekenin túsinýge shabyt bergim keledi», – dedi ol.
Baiqaý finalisteri:
-
1-vitse-miss – Pravinar Singh (Tailand)
-
2-vitse-miss – Stefani Abasali (Venesýela)
-
3-vitse-miss – Ahtisa Manalo (Filippiny)
-
4-vitse-miss – Oliviia Iatse (Kot-d’Ivýar)
Baiqaýǵa 120 elden qatysýshy kelip, finalǵa 30 arý ótti.
Qazaqstan atynan Qostanaidyń 20 jastaǵy turǵyny, PR jáne media mamandyǵynyń stýdenti, model Dana Almasova qatysqan edi. Dana óz ónerin shynaiy ári jarqyn kórsetkenine qaramastan, Qazaqstan top-30 finalister qataryna engen joq.
Foto: ashyq derekkóz
25 jastaǵy Fatima Bosh – sán jáne kiim dizainy boiynsha joǵary bilimdi. Ol Meksika, Italiia jáne AQSh-ta bilim alǵan. Bos ýaqytynda atqa miný, tennis, mýzyka, kitap oqý jáne sýret salýmen ainalysady. Bala kezinen disleksiia jáne SDVG diagnozy bolsa da, bul oǵan sulýlyq indýstriiasynda mansap qurýǵa kedergi bolmaǵan. 2018 jyly «Altyn raýshan» baiqaýynda top jaryp, óner jolyn bastaǵan. Qazir onyń Instagram-da bir millionǵa jýyq, TikTok-ta 690 myńnan astam jazylýshysy bar.
Buǵan deiin áleýmettik jelilerde Qyrǵyzstan qatysýshysy Meri Kývakovanyń ulttyq kostiými qyzý talqylanǵan edi. Ol sahnaǵa qyrǵyz mádenietiniń basty rámizderiniń biri – búrkit beinesinde shyqqan.
Foto: videodan skrinshot
