Qazaqstan astanasynyń 20 jyldyǵyn merekeleý qurmetine 30 tamyzda Astanada «Aq ordaly Astana» halyqaralyq poeziia keshi ótedi. Is-sharaǵa tanymal otandyq aqyndar men álemdik deńgeidegi bilikti aqyndar qatysady. Kóptegen shet eldik tanymal aqyn-jazýshylar da atalmysh sharaǵa óz úlesterin qospaq.
Atalmysh shyǵarmashylyq keshke finliandiialyq aqyn, esseshi, slavian-orys ádebietiniń aýdarmashysy Iýkka Mallinen, aqyn, jetpis kitaptyń avtory, Shanhai ýniversitetiniń professory Oýiang Iu, frantsýz jazýshysy, pýblitsist jáne aýdarmashy, prozashy Terri Mariniak, aqyn, baspager, sýretshi Malgojata Mahlevskaia, aqyn, baspager Gagik Davtian, aqyn Liýbov Krasavina, aqyn, prozashy, synshy, «Literatýrnaia gazeta» atty gazettiń Bas redaktory Maksim Zamshev, aqyn Sergei Mnatsakanian, aqyn, aýdarmashy Mihail Sinelnikov qatysady.
«QR Mádeniet jáne sport ministrliginiń uiymdastyrýymen ótkeli otyrǵan «Aq ordaly Astana» halyqaralyq poeziia keshiniń bereri mol erekshe is shara bolǵaly tur. Osy kúnge deiin bizdiń qalamgerler shet elderge baryp olardyń astanalaryn jyrǵa qossa, endi mine, Táýelsizdiktiń arqasynda bizdiń astanaǵa shet el aqyndary jyr arnamaq. Bul qazaq eliniń jetken jetistigi, mártebesiniń óskeni. Árine, mundai is-shara biz úshin óte qajet. Aqyn-jazýshylar da erkin tájiribe almasyp, shet el aqyn jazýshylarymen teń turyp sóilep, keń turyp kósilip jumys isteitindei dárejege jetkizetin osy bir Halyqaralyq poeziia keshin erekshe kútip júrgen jaiymyz bar. Shet elge bererimiz de, shet elden alarymyz da kóp. Barlyǵy sátimen bolsyn!», - deidi belgili aqyn, Qazaqstan Jazýshylar odaǵynyń Astanadaǵy filialynyń direktory, kóptegen halyqaralyq, respýblikalyq ádebi konkýrstardyń jeńimpazy Baýyrjan Qaraǵyzuly.
Al, aqyn, «Daryn» Memlekettik jastar syilyǵynyń laýreaty, QJO Almaty oblystyq filialynyń direktory Erlan Júnis: «Qazaq dalasy qai ǵasyrda da álem tarihshylary, mádeniettanýshylar, aqyndar men ǵalymdar úshin tańǵajaiyp keńistik – altyn sandyq ispetti bolǵan. Kóne qalalarymyz – Taraz ben Súiab, Farab pen Iasy jóninde qalam tartpaǵan, jyryna ózek, jazbasyna arqaý qylmaǵan shaiyrlar men hakimder neken-saiaq. Táýelsizdik alǵannan keiingi jyldary jańa Qazaqstan álem ǵalymdarynyń, din basylarynyń, saiasattanýshylardyń pikirlesý alańyna ainaldy. QR Mádeniet jáne sport ministrliginiń «Astana – Álem aqyndary kózimen» atty aýqymdy is-sharasy álem qalamgerleri men el qalamgerleri arasynda altyn kópir bolatyndyǵymen qýantady. Astanany jyrlaý – Qazaq eliniń ótkeni men búginin, jarqyn keleshegin, onyń asqaq armandary men asyl murattaryn jyrlaý. Osy turǵydan kelgende bul is-shara mádeni oqiǵa bolǵaly tur dep sanaimyn», - dep atap ótti.
