RF Qorǵanys ministrliginiń ókili Aleksei Zotov Arysta atqaryp jatqan jumystary jóninde suhbat berdi, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
"Bul jerge Resei delegatsiiasy quramynda jarylys saldaryn joiý kezinde minadan tazartý máselelerinde konsýltatsiialyq kómek kórsetý úshin keldik.
Eldi mekendegi zalal aýqymy osy arsenalda qyzmet ótkeretin áskerilerdiń, órt sóndirý eseptoptarynyń ýaqtyly áreket etýiniń arqasynda mundaǵy oq-dáriler mólsherimen salystyrǵanda barynsha tómen. Jarylǵysh zattar, oq-dáriler saqtalatyn jerde jarylystar bolyp turady, odan eshkim saqtandyrylmaǵan.
Birinshiden, qala mańyndaǵy eldi meken taza. Óte aýqymdy jumys júrgizilgen. Shyn máninde, bul jerde aýa raiy temperatýrasyna qaramastan, aýqymdy jumys júrgizilgen. Ol aldymen osy jerde qyzmet atqaratyn adamdardyń oq-dárilerdi saqtaýdy uiymdastyrýdaǵy kásibi sheberligi. Sonyń arqasynda arsenaldyń ekinshi alańy jarylysqa ushyraǵan joq. Bul jerde saqtaýda turǵan oq-dáriler mólsherine qaraǵanda, jarylys saldary óte tómen. Jumys uiymdastyrý máselelerinen bastap jeke quramnyń tikelei oryndaýdy aiaqtaýyna deiin kásibi sheberlikpen istelýde.
Tiisinshe, búgin eksperimenttik jarýdy júrgizdik. Oǵan Qazaqstan Respýblikasy injenerlik áskerleriniń bastyǵy basshylyq etti. Osy jumys injenerlik áskerler mamandary esepteriniń durys ekenin taǵy da rastady. Bul jerde kórgenimiz, bizdiń aqparatymyz boiynsha tótenshe jaǵdai aimaǵy bolyp tabylatyn qalanyń syrtqy perimetri boiynsha tazartýdy jeke quram, iaǵni injenerlik áskerler tórt kúnde jasap shyqqan.
Árine, bul - tek kásibi sheber áskeri qyzmetshilerdiń ǵana qolynan keletin aýqymdy jumys", - dedi ol óz sózinde.
