Qazaqstannyń 9 óńiri koronavirýs indetiniń taralý qaýpi joǵary «qyzyl» aimaqta tur. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Ministrdiń dereginshe, syrqattaný kórsetkishi boiynsha Qazaqstan álemdik reitingte 107-orynda, al ólim-jitim kórsetkishi boiynsha 108-orynda tur.
«Táýekeli joǵary aimaqta 9 óńir, atap aitqanda Nur-Sultan, Almaty, Shymkent qalalary, Aqmola, Batys Qazaqstan, Jambyl, Qaraǵandy, Qyzylorda jáne Pavlodar oblystary tur. Ótken aptada Pavlodar men Jambyl oblysy «qyzyl» aimaqqa ótti. Epidemiologiialyq táýekel ortasha aimaqta Aqtóbe, Atyraý, Shyǵys Qazaqstan, Almaty jáne Mańǵystý oblystary kiredi. Al Qostanai, Túrkistan jáne Soltústik Qazaqstan oblystary «jasyl» aimaqta», - dedi Aleksei Tsoi.
Sonymen qatar ol 4 mamyrdaǵy derekterge sáikes, Qazaqstanda COVID-19-dyń oń nátijesimen 330 071, al teris nátijesimen 52 093 naýqas tirkelgendigin atap ótti.
