QR Densaýlyq saqtaý ministri Aleksei Tsoi qatań karantin sharalaryn engizýdiń naqty kriteriilerin atady, dep habarlaidy QazAqparat.
«Árine, onyń birneshe kriteriii bar. Basty kriteriilerdiń biri – tósek-oryn qorynyń 70 paiyzdan asýy. Iaǵni, qoldanystaǵy tósek-oryndardyń 15 paiyzy ǵana tolyq qazirgi jaǵdai ózgerip ketse, densaýlyq saqtaý salasynyń resýrstyq júiesi shegine jetkenin kórsek, onda biz sheshim qabyldaý, memlekettik komissiiaǵa karantin sharalaryn qatańdatý týraly usynys jasaimyz. Qazirgi ýaqytta bizdegi jaǵdai turaqty», - dedi ol Ortalyq kommýnikatsiialar qyzmetindegi baspasóz máslihatynda.
Osy baspasóz máslihatyna qatysqan QR Premer-Ministriniń orynbasary Eraly Toǵjanovtyń aitýynsha, Qazaqstandaǵy epidemiologiialyq jaǵdai turaqty. Búginde táýliktik ósim 0,1 paiyzdy qurap otyr.
«Búgin COVID-19 juqtyrýdyń 86 jaǵdaiy tirkeldi. Osy jyldyń 5 shildesinen bastap naýqastardy jatatyn orynmen qamtamasyz etý qajettiligi 6 esege, KVI máseleleri boiynsha jedel meditsinalyq kómek shaqyrýlary 5,5 esege azaidy. Naýqastardyń 99 paiyzy saýyǵyp, aman-esen otbasyna oraldy», - dedi ol.
