QR Densaýlyq saqtaý ministri Aleksei Tsoi Almatyǵa 2 kúndik jumys sapary barysynda qaladaǵy Jedel meditsinalyq qyzmet ujymymen kezdesip, atalǵan mekemeniń jańa avtoparkimen tanysty, dep habarlaidy atalǵan vedomstvonyń baspasóz qyzmeti.
Almaty shahary COVID-19, tumaý, ókpeniń qabynýyna shaldyqqan naýqastar úshin jedel meditsinalyq járdem qyzmetiniń algoritimin jetildirgen alǵashqy qala. Budan bylai atalǵan sanattaǵy naýqastardy meditsinalyq járdem ǵana jatqyzady. Naýqastarǵa júieli qyzmet jasaýdyń tsifrlyq mehanizmderi engizilgen.
Qoǵamdyq densaýlyq saqtaý basqarmasynyń basshysy Kamaljan Nadyrov meditsinalyq qyzmettiń sapasyn arttyrý baǵytynda atqarylyp jatqan jumystar týraly jáne COVID-19-dyń ekinshi tolqynyna daiyndyq barysyn baiandap berdi.
«Qalanyń jedel meditsinalyq járdem qyzmeti kúzgi jáne qysqy maýsymǵa tas-túiin daiyn. Bizdiń múmkinshiligimiz óte joǵary. Táýligine 9000 habarlama boiynsha jumys isteýge jáne 500 naýqasty tiisti emhanaǵa jatqyzýǵa qaýqarlymyz»,- dedi K. Nadyrov.
Ministrdiń jumys sapary barysynda qajetti jabdyqtarmen qamtylǵan meditsinalyq járdem qyzmetiniń 35 kóligi tanystyryldy. Arnaiy kólikti satyp alýǵa jergilikti biýdjetten 1,4 mlrd teńge bólingen. «Hyundai H350» V jáne S sanatyndaǵy meditsinalyq járdem mashinalary zaman talabyna sai jasalǵan. Elektrlik (Accuvac pro), ókpendi jasandy jeldetetin (Medumat), Sorpuls1, defibrilliatorlary, «Kardiometr-MT», avtomattandyrylǵan jabdyqtary, KI-5 ottegi ingaliatory, júrek soǵysyn baqylaityn «Nebýlaizer» qurylǵysymen qamtylǵan.
Qazirgi tańda meditsinalyq jedel járdem qyzmetiniń júktemesi tómendedi. Indet órshigen kezde jaǵdai kúrdeli boldy. Táýligine 8000 habarlama boiynsha jumys istedi. Árbir ekinshi brigada naýqastardyń úiine baryp qyzmet kórsetti.
Shilde aiynyń basynda Jedel meditsinalyq qyzmetke kelip túsken habarlamalardyń 50 paiyzy koronavirýs kúdigimen bailanysty boldy. Qazirgi tańda tumaý, ókpeniń qabynýy jáne koronavirýs boiynsha kelip túsetin habarlamalar 9 paiyzǵa azaidy.
Jedel meditsinalyq qyzmette qazirgi tańda 3000 maman eseli eńbek etýde nemese 180 brigada halyqqa qyzmet kórsetip jatyr. Olardyń qatarynda 365 dáriger, 1 388 feldsherler bar.
