Memleket basshysynyń Ókimimen Aleksei Dmitrievich Kalaichidi QR ishki ister ministriniń orynbasary bolyp taǵaiyndaldy, ol QR Prezidenti Ákimshiliginiń Quqyq qorǵaý júiesi bóliminiń meńgerýshisi qyzmetinen bosatyldy. Bul týraly Aqordanyń baspasóz qyzmeti habarlaidy.
Memleket basshysynyń Ókimimen Berik Baiboluly Bisenqulov basqa jumysqa aýysýyna bailanysty QR ishki ister ministriniń orynbasary qyzmetinen bosatyldy.
Aleksei Kalaichidi 1963 jyly 3 qańtarda týǵan, ulty - grek.
1985 jyly - Frýnze politehnikalyq institýtyn, 1990 jyly - KSRO IIM Joǵarǵy kýrstaryn, 2008 jyly - E. Bóketov atyndaǵy Qaraǵandy memlekettik ýniversitetin bitirgen.
Eńbek jolyn 1985 jyly shilde aiynda Qyrǵyz KSR Toqmaq q. №93 arnaiy basqarmada sheber retinde bastaǵan, sodan keiin Shymkent q. «Iýjgorselproekt» memlekettik jobalyq institýtynda injener bolyp jumys istegen.
Ishki ister organdaryndaǵy qyzmetin 1990 jyldyń sáýir aiynan bastap Shymkent oblysy Abai aýdandyq IIB qylmystyq izdestirý jedel ýákilinen bastaǵan. Ákimshilik politsiia júiesinde laýazymdyq baspaldaqtyń barlyq joldarynan ótken: inspektor, bólim bastyǵy, basqarma bastyǵynyń orynbasary, Ońtústik Qazaqstan oblysy IID jáne IIM ortalyq apparatynda basqarma bastyǵy.
2005-2006 jyldary IIM zań qyzmetine, sondai-aq jeke quram boiynsha inspektsiiaǵa basshylyq jasaǵan.
2006 jyldyń qarasha aiynan 2008 jyldyń naýryz aiy aralyǵynda Jambyl oblysy IID bastyǵynyń tárbie jáne kadr jumysy jónindegi orynbasary bolyp qyzmet atqarǵan.
2008 jyldan bastap Prezident Ákimshiliginde jumys istedi: inspektor, sektor meńgerýshisi, Quqyq qorǵaý júiesi bólimi meńgerýshisiniń orynbasary.
Sońǵy taǵaiyndalýǵa sheiin 2016 jyldyń maýsym aiynan bastap Memleket basshysynyń ókimimen Quqyq qorǵaý júiesi bóliminiń meńgerýshisi bolyp qyzmet atqardy.
«Qurmet» (2012 jyl) ordenimen jáne 5 merekelik medalmen marapattalǵan.
Úilengen, eki balasy jáne nemeresi bar.
