Búgin Memleket basshysy Qasym-Jomart Toqaev respýblikalyq telearnalar arqyly pandemiiaǵa orai elimizde qalyptasqan ahýalǵa bailanysty televiziialyq úndeý jasady. Osyǵan orai Qazaq ulttyq qyzdar pedagogikalyq ýniversitetiniń rektory Gaýhar Aldambergenova óz oiyn aitty, - dep jazady Baq.kz.
"Rasynda da, Qazaqstanda aýyrǵandar sany aitarlyqtai kóp, qaitys bolǵandar da az emes. Osyǵan orai Memleket basshysy 13 shilde – Ulttyq aza tutý kúni bolyp belgilengenin atap ótti. Bul – aty jaman indetten o dúnielik bolǵan otandastarymyzdyń, asyl azamattarymyzdyń aldyndaǵy paryz dep uǵynǵan abzal" – dedi rektor.
Sonymen qatar Prezident qazaqstandyqtardy eki aptaǵa belgilengen karantin sharalaryn qatań saqtap, sanaly túrde áreket etýge shaqyrdy.
Onyń aitýynsha, erejelerdi eskergende ǵana nátije bolmaq. Bul oraida ol koronavirýstyń taralýyna bailanysty densaýlyq saqtaý júiesine kóp aýyrtpalyq túskendigin atap ótti.
"Degenmen, qalyptasqan jaǵdaiǵa qaramai, memleket tarapynan barlyq qajetti sharalar qabyldanyp jatqandyǵyn da eskergen lázim. Qasym-Jomart Toqaev óz sózinde dári-dármektiń jetkiliksizdigi jaiyna da toqtaldy. Shyndyǵyn aitqan jón, búginde meditsinalyq preparattardyń dárihanalarda bolmaýy jurtshylyqtyń ashý-yzasyn týdyryp jatqany ras. Bar bolǵan kúnniń ózinde baǵasynyń birneshe ese kóterilgendigi týrasynda áleýmettik jelidegi áleýmet jazyp ta, aityp ta jatyr. Prezident qajetti dári-dármekter qorynyń kóbeietindigin, onyń baǵasyn negizsiz ósirip, qiyn-qystaý kúnderde paida tabýdy kózdegender zań sheńberinde jazalanatyndyǵyn jetkizdi. Bul tarapta naqty tapsyrmalar berilip, jumystar kúsheietindigin málimdedi" – dedi Gaýhar Aldambergenova.
Rektor qolǵa alynyp jatqan is-sharalardyń kózdegen maqsaty bir: aty jaman indetti aýyzdyqtaý, ult saýlyǵyn qalyptastyrý, azamattardy aýrýdan arashalaý ekenin atap ótti.
"Sózimdi Memleket basshysynyń paiymdy oiymen túiindesem: «Biz – talai zobalań men synaqty bastan ótkergen, tarihtyń talai daýylyna boi bermegen halyqpyz. Batyr babalardyń jolyn jalǵaǵan búgingi urpaq ta qazirgi qiyndyqqa tótep beredi dep senemin. Bálkim, bul bizdiń birligimizdi baiqaý úshin berilgen synaq shyǵar. Bir jeńnen qol, bir jaǵadan bas shyǵaryp, uiymdasa bilsek, bul synnan da ótermiz. "Densaýlyq – zor bailyq" degen halqymyzdyń dana sóziniń qadirin bileiik. Ár azamattyń amandyǵy úshin kúreseiik!" – dedi ol.
