2022 jyly biýdjet tapshylyǵy jalpy ishki ónimge qatysty 3,3% deńgeiinde boljanyp otyr. Bul týraly Parlament Májilisiniń jalpy otyrysynda QR Ulttyq ekonomika ministri Áset Erǵaliev málim etti, dep habarlady QazAqparat.
«Ulttyq bank jyldyq infliatsiianyń nysanaly dálizi 2022 jyly 4-6 %, 2023-2024 jyldary – 4-5% aralyǵynda, 2025-2026 jyldary – 3-4% sheginde saqtalǵan. Osy makroekonomikalyq kórsetkishterdi eskere otyryp, respýblikalyq biýdjettiń kiristeri transfertterdi esepke almaǵanda 2022 jyly boljamdar boiynsha 9,2 trillion teńgeni,
2023 jyly - 9,7 trillion teńgeni, 2024 jyly - 10,4 trillion teńgeni quraidy», - dedi Á. Erǵaliev.
Onyń aitýynsha, kepildendirilgen transfertti 2022 jyly - 2,4 trillion teńge, 2023 jyly - 2,2 trillion teńge jáne 2024 jyly - 2 trillion teńge mólsherinde aiqyndaý usynylyp otyr.
«Budan basqa, Ulttyq qordan 2022 jyly 550 milliard teńge mólsherinde, onyń odan ári qysqarýymen 2023-2024 jyldary jyl saiyn 400 milliard teńgeden nysanaly transfert tartý usynylady. 2022 jyly biýdjet tapshylyǵy jalpy ishki ónimge qatysty 3,3% deńgeiinde, keiinnen 2024 jyly jalpy ishki ónimge qatysty 2,5% deiin tómendeýmen boljanyp otyr. 2022 jyly munai emes tapshylyq ishki ónimge qatysty 8,1% qurap, keiinnen 2024 jyly jalpy ishki ónimge qatysty 6,3% deiin tómendeidi», - dedi ministr.
Respýblikalyq biýdjettiń shyǵystary 2022 jyly 15,9 trillion teńge, 2023 jyly – 15,6 trillion teńge jáne 2024 jyly – 16 trillion teńge kóleminde boljanyp otyr.
