2022 جىلى بيۋدجەت تاپشىلىعى جالپى ٸشكٸ ٶنٸمگە قاتىستى 3,3% دەڭگەيٸندە بولجانىپ وتىر. بۇل تۋرالى پارلامەنت مەجٸلٸسٸنٸڭ جالپى وتىرىسىندا قر ۇلتتىق ەكونوميكا مينيسترٸ ەسەت ەرعاليەۆ مەلٸم ەتتٸ, دەپ حابارلادى قازاقپارات.
«ۇلتتىق بانك جىلدىق ينفلياتسييانىڭ نىسانالى دەلٸزٸ 2022 جىلى 4-6 %, 2023-2024 جىلدارى – 4-5% ارالىعىندا, 2025-2026 جىلدارى – 3-4% شەگٸندە ساقتالعان. وسى ماكروەكونوميكالىق كٶرسەتكٸشتەردٸ ەسكەرە وتىرىپ, رەسپۋبليكالىق بيۋدجەتتٸڭ كٸرٸستەرٸ ترانسفەرتتەردٸ ەسەپكە الماعاندا 2022 جىلى بولجامدار بويىنشا 9,2 تريلليون تەڭگەنٸ,
2023 جىلى - 9,7 تريلليون تەڭگەنٸ, 2024 جىلى - 10,4 تريلليون تەڭگەنٸ قۇرايدى», - دەدٸ ە. ەرعاليەۆ.
ونىڭ ايتۋىنشا, كەپٸلدەندٸرٸلگەن ترانسفەرتتٸ 2022 جىلى - 2,4 تريلليون تەڭگە, 2023 جىلى - 2,2 تريلليون تەڭگە جەنە 2024 جىلى - 2 تريلليون تەڭگە مٶلشەرٸندە ايقىنداۋ ۇسىنىلىپ وتىر.
«بۇدان باسقا, ۇلتتىق قوردان 2022 جىلى 550 ميلليارد تەڭگە مٶلشەرٸندە, ونىڭ ودان ەرٸ قىسقارۋىمەن 2023-2024 جىلدارى جىل سايىن 400 ميلليارد تەڭگەدەن نىسانالى ترانسفەرت تارتۋ ۇسىنىلادى. 2022 جىلى بيۋدجەت تاپشىلىعى جالپى ٸشكٸ ٶنٸمگە قاتىستى 3,3% دەڭگەيٸندە, كەيٸننەن 2024 جىلى جالپى ٸشكٸ ٶنٸمگە قاتىستى 2,5% دەيٸن تٶمەندەۋمەن بولجانىپ وتىر. 2022 جىلى مۇناي ەمەس تاپشىلىق ٸشكٸ ٶنٸمگە قاتىستى 8,1% قۇراپ, كەيٸننەن 2024 جىلى جالپى ٸشكٸ ٶنٸمگە قاتىستى 6,3% دەيٸن تٶمەندەيدٸ», - دەدٸ مينيستر.
رەسپۋبليكالىق بيۋدجەتتٸڭ شىعىستارى 2022 جىلى 15,9 تريلليون تەڭگە, 2023 جىلى – 15,6 تريلليون تەڭگە جەنە 2024 جىلى – 16 تريلليون تەڭگە كٶلەمٸندە بولجانىپ وتىر.
