Aldaǵy úsh jylda Atyraý oblysynda 55 myń adam jumystan bosaidy. Bul týraly Atyraý oblysynyń áleýmettik-ekonomikalyq damý máseleleri jónindegi keńeste Memleket basshysy Qasym-Jomart Toqaev aitty, dep habarlaidy "Ult aqparat".
«Qazirgi tańda Atyraý oblysyndaǵy turmys deńgeii elimizdiń ózge óńirlerine qaraǵanda joǵary. Ortasha jalaqy 358 myń teńge, bul – jalpy respýblikalyq kórsetkishten 1,6 ese joǵary (Qazaqstan boiynsha 222,9 myń teńge). Degenmen, munda júzege asyrylyp jatqan «Bolashaqta keńeiý jobasy» jaqynda aiaqtalady. Aldaǵy úsh jylda 55 myń adam jumystan bosaidy. Oblys ákimi onyń 31 myńyn eńbekpen qamtýdy josparlap otyr. Bul Atyraý oblysynyń ǵana mindeti emes ekenin eske salamyn», - dedi Memleket basshysy.
QR Prezidenti joba aiasynda vahtalyq tásilmen ózge aimaqtardyń turǵyndary da jumys istep júrgendigin atap ótti.
«Úkimetke jumystan bosatylatyn barlyq jumysshylardy birtindep eńbekpen qamtý máselesin pysyqtaýdy tapsyramyn»,- dedi Qasym-Jomart Toqaev.
