الداعى ٷش جىلدا اتىراۋ وبلىسىندا 55 مىڭ ادام جۇمىستان بوسايدى. بۇل تۋرالى اتىراۋ وبلىسىنىڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندەگٸ كەڭەستە مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«قازٸرگٸ تاڭدا اتىراۋ وبلىسىنداعى تۇرمىس دەڭگەيٸ ەلٸمٸزدٸڭ ٶزگە ٶڭٸرلەرٸنە قاراعاندا جوعارى. ورتاشا جالاقى 358 مىڭ تەڭگە, بۇل – جالپى رەسپۋبليكالىق كٶرسەتكٸشتەن 1,6 ەسە جوعارى (قازاقستان بويىنشا 222,9 مىڭ تەڭگە). دەگەنمەن, مۇندا جٷزەگە اسىرىلىپ جاتقان «بولاشاقتا كەڭەيۋ جوباسى» جاقىندا اياقتالادى. الداعى ٷش جىلدا 55 مىڭ ادام جۇمىستان بوسايدى. وبلىس ەكٸمٸ ونىڭ 31 مىڭىن ەڭبەكپەن قامتۋدى جوسپارلاپ وتىر. بۇل اتىراۋ وبلىسىنىڭ عانا مٸندەتٸ ەمەس ەكەنٸن ەسكە سالامىن», - دەدٸ مەملەكەت باسشىسى.
قر پرەزيدەنتٸ جوبا اياسىندا ۆاحتالىق تەسٸلمەن ٶزگە ايماقتاردىڭ تۇرعىندارى دا جۇمىس ٸستەپ جٷرگەندٸگٸن اتاپ ٶتتٸ.
«ٷكٸمەتكە جۇمىستان بوساتىلاتىن بارلىق جۇمىسشىلاردى بٸرتٸندەپ ەڭبەكپەن قامتۋ مەسەلەسٸن پىسىقتاۋدى تاپسىرامىن»,- دەدٸ قاسىم-جومارت توقاەۆ.
