Foto: altapress.ru
Sinoptikter 23-25 mamyrǵa arnalǵan aýa-raiy boljamyn usyndy, - dep habarlaidy "Ult aqparat".
Qazgidromet málimetinshe, respýblikanyń basym bóliginiń aýa-raiyn atmosferalyq frontaldy bólimder aiqyndaidy, jańbyr, naizaǵai, ońtústik-shyǵysta burshaq jaýady. 23-25 mamyrda elimizdiń ońtústik-shyǵysyndaǵy taýly aimaqtarda qatty jaýyn-shashyn (jańbyrdyń sońy qarǵa aýysady) bolady dep boljanýda. Sondai-aq respýblika boiynsha jeldiń kúsheiýi kútilýde, respýblikanyń soltústik-batysynda, ońtústiginde shańdy daýyl turady.
"Qazaqstan boiynsha kúndiz aýa temperatýrasynyń fony batys óńirlerde 29-34 gradýs jyly, soltústik-batysta 25-30 gradýs jyly, soltústikte 23-28 gradýsqa deiin joǵarylaýy boljanady, ońtústikte 23-31 gradýs jyly, shyǵys jáne ońtústik-shyǵysta 15-25 jyly aýa raiy kútiledi", - delingen habarlamada.
