Sinoptikter 21-23 shildege arnalǵan aýa raiy boljamyn jariialady, - dep habarlaidy "Ult aqparat".
"Qazgidromet" málimetinshe, elimizdiń basym bóliginde, aldaǵy úsh táýlikte soltústik-batys jáne ońtústik tsiklondar áserinen turaqsyz aýa raiy saqtalady, jańbyr jaýady: 22 shildede respýblikanyń shyǵysynda qatty jańbyr jaýady, naizaǵai oinap, burshaq jaýady dep boljanady. Jel kúsheiedi.
"Elimizdiń batys óńirlerinde aýa raiynyń tómendeýi baiqalady, Qazaqstannyń soltústik jartysynda kúndizgi temperatýra +23+28 gradýs sheginde bolady. Elimizdiń ońtústiginde, ońtústik-shyǵysynda jaýyn-shashynsyz ystyq aýa raiy saqtalady, tek taýly jáne taý bókterindegi aýdandarda naizaǵai kútiledi. Aýa temperatýrasynyń azdap tómendeýine qaramastan, ol klimattyq norma sheginde saqtalady", - delingen habarlamada.
