Qazgidromet 31 mamyr jáne 1-2 maýsymǵa aýa raiyn boljamyn usyndy, - dep habarlaidy "Ult aqparat".
"Mamyr aiynyń sońǵy kúni Qazaqstan aýmaǵynyń basym bóligi Sibirdiń ústindegi tsiklon jyrasynyń yqpalynda bolady – naizaǵai oinap, ońtústik-shyǵysta qatty jańbyr, burshaq, daýyl kútiledi. Respýblika boiynsha jel kúsheiedi.
Alaida 1 maýsymda Batys Qazaqstanǵa Soltústik antitsiklon áser ete bastaidy, ol respýblika aýmaǵy arqyly shyǵys baǵytqa aýysa otyryp, jaýyn-shashynnyń birtindep toqtaýyna jáne temperatýranyń tómendeýine alyp keledi. 1-2 maýsymda elimizdiń batysynda, soltústik-batysynda, soltústiginde, ortalyǵynda túnde jáne tańerteń topyraq betinde 2 gradýsqa deiin úsik júredi dep boljanýda", - deidi sinoptikter.
