Sinoptikter 13-15 maýsym aralyǵyna arnalǵan aýa raiy boljamyn jariialady, dep habarlaidy "Ult aqparat" Qazgidrometke silteme jasap.
Soltústik teńizderden keletin ylǵal jáne salqyn aýanyń túsýi jalǵasatyndyqtan aýa raiynda ózgeris bolmaidy. Qazaqstannyń kóptegen oblystarynyń kei jerlerinde aldaǵy úsh táýlikte naizaǵai jarqyldap, jańbyr jaýady. Ekpindi jel turady. Sonymen qatar, kúndizgi ýaqytta burshaq jaýady.
Aýa temperatýrasy qysqa merzimge joǵarylaǵanymen, keiin qaita tómendeidi. Respýblikamyzdyń basym bóliginde temperatýra ortasha kópjyldyq mánnen tómen bolady. Tek Mańǵystaý oblysynda kún ystyq bolady. Óńirde jaýyn-shashynsyz aýa raiy kútiledi.
