Qazgidromet 5-7 mamyrǵa arnalǵan aýa raiy boljamyn jariialady, dep habarlaidy "Ult aqparat".
Antitsiklon Qazaqstannyń basym bóliginde qysqa merzimge kúnniń sýytýyna yqpal etedi. «Respýblikanyń ońtústiginde frontaldy bólikterdiń ótýimen jańbyr, kei jerlerde naizaǵaimen, ekpindi jelmen qatty jańbyr jaýady, sondai-aq kei jerlerde burshaq túsýi múmkin. Túngi saǵattarda soltústik, ortalyq, shyǵys jáne ońtústik-shyǵystyń taýly aimaqtarynda termometrdiń synap baǵanalary 0℃-tan tómen túsedi. Alaida kezeńniń sońyna qarai ońtústik troposferalyq aǵyndarmen respýblikanyń barlyq aýmaǵynda temperatýranyń joǵarylaýy kútiledi», - delingen habarlamada.
