Foto: pixabay.com
Sinoptikter 20-22 mamyrda Qazaqstanda aýa raiy qandai bolatyny týraly boljam jasady, - dep habarlaidy "Ult aqparat".
Boljamǵa sáikes, Qazaqstannyń basym bóliginiń aýa raiyn Ońtústik tsiklon jáne onymen bailanysty atmosferalyq frontal bólikter aiqyndaidy. Jańbyr, naizaǵai, ońtústik óńirlerde burshaq jaýady.
20 mamyrda batysta, soltústik-batysta, ortalyqta jáne ońtústikte, 20-22 mamyrda elimizdiń ońtústik-shyǵysynda qatty jańbyr bolady dep boljanǵan. Sondai-aq, respýblika boiynsha jeldiń kúsheiýi kútiledi, respýblikanyń ońtústiginde daýyl soǵady.
"Qazaqstan boiynsha temperatýralyq fonnyń joǵarylaýy kútiledi. Túngi ýaqyttarda soltústik-batys jáne soltústikte topyraq betinde 2 gradýsqa deiin úsik júredi dep boljanǵan", - delingen habarlamada.
