Qazgidromet 3-5 sáýirge arnalǵan aýa raiy boljamyn jariialady, dep habarlaidy "Ult aqparat".
«Aidyń bas kezinde Qazaqstannyń shyǵys jartysynda antitsiklonǵa bailanysty aýa raiy negizinen jaýyn-shashynsyz bolady. Batys aimaqtarǵa soltústikten jáne ońtústikten eki tsiklon keledi. Olar keiinnen birigip, eldiń kóp bóligindegi aýa raiyna áser etedi. Jaýyn-shashyn (jańbyr, qar) júrip, ońtústik jáne ońtústik-shyǵysta negizinen jańbyr túrinde bolady, al kei jerlerde kúshti jaýyn-shashyn oryn alady. Elimizdiń kei jerlerinde tuman, kóktaiǵaq, ońtústikte jáne ońtústik-shyǵysta naizaǵai, burshaq, jeldiń kúsheiýi, ońtústik-batysta shańdy daýyl kútiledi», - delingen habarlamada.
