Qazgidromet 25-26 tamyz kúnderi elimizdiń soltústiginde nóser jańbyr jaýyp, naizaǵai jarqyldaitynyn málimdedi, dep habarlaidy "Ult aqparat".
Joǵary tsiklonǵa bailanysty belsendi bultty massiv Qazaqstannyń soltústik aýdandarynda ornalasqan. Aldaǵy úsh táýlikte osy tsiklonnan soltústik, ortalyq jáne shyǵys oblystarynda jańbyr jaýyp, naizaǵai jarqyldaidy. Jańbyr kezinde qatty daýyldy jel soǵyp, kei jerlerde burshaq jaýýy múmkin.
Soltústik oblystarda senbi jáne jeksenbi kúni kei jerlerde nóser jańbyr jaýýy múmkin. Respýblikanyń qalǵan aýmaǵynda - jaýyn-shashynsyz, al aýa temperatýrasy osy kezeńde ortasha kóp jylǵy ólshem shamasynda jáne kei jerlerde normadan 2-4°S tómendeidi.
25 tamyzda Soltústik Qazaqstan oblysy boiynsha jańbyr jaýady. Kei jerlerde naizaǵai jarqyldap, tuman tuman túsip, daýyl turady, burshaq jaýýy múmkin. Soltústik-batystan soǵatyn jeldiń kúshi kei jerlerde 15-20 m/s, kúndiz ekpini 25 m/s jetedi dep boljanady.
Petropavl qalasynda 25 tamyz kúni jańbyr jaýyp, naizaǵai jarqyldap, burshaq túsedi. Soltústik-batystan soǵatyn jeldiń ekpini 15-20 m/s jetedi.
Daýyldy eskertýdiń yqtimaldyǵy 90-95 %
