Aldaǵy úsh kúnde jańbyr jaýyp, kún kúrkireidi, dep habarlaidy "Ult aqparat" Qazgidrometke silteme jasap.
9-11 tamyz aralyǵynda Karsk teńizi aýdandarynan sýyq, ylǵaldy arktikalyq aýa keledi. Osyǵan bailanysty Qazaqstannyń soltústik jáne ortalyq aimaqtarynda jańbyr jaýady. Al 11 tamyzda osy óńirlermen qosa elimizdiń shyǵysynda da jaýyn-shashyn kútiledi. Kei jerlerde kún qatty kúrkireidi jáne ekpindi jel soǵady, burshaq túsýi múmkin. Soltústik, ortalyq aimaqtarda aýa temperatýrasy túnde 7-17 gradýsqa deiin salqyndap, kúndiz 15-23 gradýs jyly bolady.
Respýblikanyń qalǵan aýmaǵynda aýa temperatýrasy burynǵy qalpynda saqtalady. Kei jerlerde kún kúrkirep, jańbyr jaýady. 11 tamyzda elimizdiń ońtústiginde kei jerlerde jel kúsheiip, shańdy daýyl turady. Burshaq jaýýy múmkin.
