7-9 tamyz aralyǵynda respýblikanyń basym bóliginde ystyq aýa raiy saqtalady, dep habarlaidy "Ult aqparat" Qazgidrometke silteme jasap.
Kei jerlerde kún kúrkirep, ótkinshi jańbyr jaýady. Ekpindi jel soǵady. Batysta jáne soltústik-batysta burshaq jaýýy múmkin.
Aýa temperatýrasy negizinen 27-35 gradýs aralyǵynda saqtalady. Ońtústik jáne batysta 40 gradýsqa deiin kóteriledi.
9 tamyzda Respýblikanyń batysynda jáne soltústik-batysynda Taimyr aýdanynan salqyn jáne ylǵaldy aýanyń aýysyp kelýine bailanysty kún salqyndai bastaidy. Kúndizgi aýa temperatýrasy 20-28 gradýsqa deiin tómendeidi.
