«Qazgidromet» boljamy boiynsha Qazaqstannyń birqatar óńirlerinde +40…+41°C-qa deiin qatty aptap ystyq saqtalady, dep habarlaidy ult.kz.
Eldiń túrli óńirlerinde, sonyń ishinde Astana, Almaty jáne Shymkent qalalarynda jańbyr, naizaǵai, burshaq jáne 15–23 m/s-qa deiin jetetin ekpindi jel kútiledi.
Eldiń kóptegen óńirlerinde joǵary jáne tótenshe órt qaýpi saqtalady.
TJM qaýipsizdik sharalaryn saqtaýǵa jáne aýa raiy týraly eskertýlerdi qadaǵalap otyrýǵa shaqyrady.
«Qazgidromet» mamandary elimizdiń kóptegen óńirine qatysty daýyldy eskertý jariialady. Sinoptikterdiń boljamynsha, aldaǵy kúnderi Qazaqstannyń birneshe oblysynda aýa temperatýrasy 40 gradýstan asyp, órt qaýpi kúsheiedi.
19-20 maýsym kúnderi Shyǵys Qazaqstan jáne Abai oblystarynda kúndiz aýa temperatýrasy 30-35 gradýsqa deiin kóterilip, kei jerlerde 38 gradýsqa jetedi. Osy kezeńde Almaty jáne Jetisý oblystarynda da 30-38 gradýs aralyǵyndaǵy qatty ystyq saqtalady.
Al Qyzylorda, Túrkistan jáne Jambyl oblystarynda 19-21 maýsym aralyǵynda kúndiz 35-40 gradýsqa deiin aptap ystyq kútiledi. Sonymen qatar, 20 maýsymda Atyraý oblysynyń ońtústiginde, 20-21 maýsymda Aqtóbe oblysynyń ońtústiginde aýa temperatýrasy 40-41 gradýsqa deiin kóteriledi. Osyndai óte qatty ystyq 21 maýsym kúni Qostanai jáne Ulytaý oblystarynyń ońtústiginde de boljanyp otyr.
Sinoptikterdiń málimetinshe, joǵary temperatýraǵa bailanysty elimizdiń basym bóliginde joǵary jáne tótenshe órt qaýpi saqtalady.
Astanada 19 maýsymda kei ýaqyttarda jańbyr jaýyp, naizaǵai oinaidy, kúndiz burshaq túsýi múmkin. Soltústik-shyǵystan soǵatyn jeldiń ekpini kúndiz 15 m/s-qa deiin jetedi. Sonymen qatar, aýa temperatýrasy 35 gradýsqa deiin kóterilip, qatty ystyq bolady.
Almatyda kúndiz ótkinshi jańbyr men naizaǵai kútiledi. Qala aýmaǵynda joǵary órt qaýpi saqtalady. Shymkentte de ótkinshi jańbyr jaýyp, naizaǵai oinaidy. Soltústik-shyǵystan soǵatyn jeldiń ekpini 15-20 m/s-qa deiin kúsheiedi.
Túrkistan jáne Jambyl oblystarynyń taýly jáne taý bókterindegi aýdandarynda jańbyr jaýyp, naizaǵai, burshaq jáne daýyl bolýy yqtimal. Kei jerlerde qatty jańbyr kútiledi. Jeldiń ekpini 23 m/s-qa deiin jetýi múmkin.
Batys Qazaqstan, Atyraý, Mańǵystaý, Aqtóbe, Qostanai, Soltústik Qazaqstan, Aqmola, Ulytaý jáne Qaraǵandy oblystarynyń birqatar aýdandarynda jańbyr, naizaǵai, burshaq jáne daýyl boljanýda. Kei óńirlerde jeldiń ekpini 15-20 m/s-qa deiin kúsheiedi.
Shyǵys Qazaqstan, Abai, Qyzylorda, Jetisý jáne Almaty oblystarynda da aptap ystyq saqtalyp, joǵary jáne tótenshe órt qaýpi jariialanǵan. Qyzylorda oblysynyń soltústiginde kúndiz aýa temperatýrasy 42 gradýsqa deiin jetýi múmkin.
Mamandar turǵyndardy aýa raiynyń qolaisyz qubylystary kezinde qaýipsizdik sharalaryn saqtaýǵa, ashyq otty paidalanýdan barynsha bas tartýǵa jáne tótenshe jaǵdailar qyzmetiniń eskertýlerine qulaq asýǵa shaqyrdy.
