Foto: depositphotos.com
Sinoptikter 11-13 qarasha aralyǵynda aýa raiy qandai bolatyny týraly boljam jasady, - dep habarlaidy "Ult aqparat".
"Taiaý kúnderi Qazaqstan aýmaǵynyń basym bóliginde kezekti atlantikalyq tsiklon áserinen jaýyn-shashyndy, bul rette qarasha úshin aitarlyqtai jyly aýa raiy kútiledi. Tsiklon batystan shyǵysqa qarai jyljyp, óz jolynda jaýyn-shashyn týdyrady: túnde jańbyr men qar túrinde, kúndiz negizinen jańbyr túrinde, 11 qarashada soltústik-batysta, 12 qarashada ońtústikte, 13 qarashada respýblikanyń ońtústik-shyǵysynda qatty jańbyr kútiledi, Respýblikanyń ońtústigi men ońtústik-shyǵysyndaǵy taýly aimaqtarda da jaýyn-shashyn (jańbyr jáne qar) bolady", - delingen habarlamada.
Boljam boiynsha 12 qarashadan bastap antitsiklonnyń ekpini batysqa tarai bastaidy, jaýyn-shashyn toqtap, kúndizgi aýa temperatýrasy 8-18 gradýs Tselsiige deiin kóteriledi dep kútiledi. Respýblika boiynsha jel kúsheiip, túnde jáne tańerteń tuman túsedi.
