Aldaǵy eki apta bizdiń bolashaq qadamdarymyz úshin sheshýshi kezeń bolmaq. Bul týraly respýblikalyq telearnalar arqyly elimizde qalyptasqan ahýalǵa bailanysty úndeý jasaǵan QR Prezidenti Qasym-Jomart Toqaev aitty, dep habarlaidy «Ult aqparat».
«Qurmetti, otandastar! Barshańyzǵa málim, qazir álemdegi pandemiiaǵa bailanysty qalyptastan jaǵdai kúrdelene túsýde. Koronavirýstyń taralýy báseńdemei otyr. Keibir elderde bul indet qaitadan ýshyǵyp bara jatyr. Álem boiynsha osy virýsty juqtyrǵandardyń sany shamamen 12 millionǵa jetti. Sonyń saldarynan 500 myńnan astam adam qaitys boldy. Sol sebepti birqatar elderde karantin talaptary qaita kúsheitilip, áýe, kólik qatynasy qaitadan shekteldi. Ókinishke qarai, bizdiń eldegi jaǵdai da ońai bolyp turǵan joq. Memlekettik komissiianyń sheshimimen 5 shildeden bastap elimizde 2 aptalyq merzimge karantindik sharalary engizildi. Bul asa qajetti sheshim boldy. Jaǵdaidyń turaqtalatyndyǵy sózsiz. Onyń alǵashqy belgileri de bar. Sondyqtan aldaǵy eki apta bizdiń bolashaq qadamdarymyz úshin sheshýshi kezeń bolmaq», - dedi Memleket basshysy.
QR Prezidenti osy oraida barsha azamattardy karantin talaptaryn qatań saqtaýǵa shaqyrdy.
