"Qazgidromet" RMK sinoptikteri 19-21 aqpanǵa arnalǵan aýa raiy boljamyn usyndy, - dep habarlaidy "Ult aqparat".
Boljamǵa súiensek, aldaǵy úsh táýlikte aýqymdy antitsiklon áserinen Qazaqstannyń basym bóliginde jaýyn-shashynsyz aýa raiy saqtalady. Onyń artynan respýblikanyń batysyna qarai soltústik-batys tsiklon yǵysady, onyń áserinen: 19-21 aqpan aralyǵynda jańbyr men qar túrinde jaýyn-shashyn, 20-21 aqpan aralyǵynda soltústik-batysta, 21 aqpanda eldiń soltústiginde qar, ekpindi jel jáne kóktaiǵaq bolady.
"Elimizdiń búkil aýmaǵynda temperatýralyq fon joǵarylaidy dep kútiledi. Termometr baǵandary: batysta túnde -5...+5 gradýsqa deiin, kúndiz +2...+13 gradýsqa deiin, soltústikte, soltústik-batysta túnde -5...-16 gradýsqa deiin, kúndiz -8...+ 2 gradýsqa deiin, ortalyqta, shyǵysta túnde -8...-17 gradýs, kúndiz -1...-10 gradýs, ońtústikte, ońtústik-shyǵysta túnde -5...+5, kúndiz + 5...+13 gradýsqa deiin", - delingen habarlamada.
